.cat

Tipu	Dominiu de nivel superior patrocináu
Creáu	2005
Organización patrocinadora	Fundació puntCat (es)
Pertenez a la xurisdicción	España
Sitiu web oficial	Sitiu web
Mapa d'allugamientu

.cat ye un dominiu d'internet xenéricu que forma parte del sistema de dominios d'internet patrocinaos (sponsored TLD n'inglés) pa la llingua catalana y la so cultura. Foi aprobáu oficialmente pola ICANN (Internet Corporation for Assigned Names and Numbers) a les 23:04 (GMT) del 15 de setiembre de 2005 y ta xestionáu pola Fundación puntCat.

Foi'l primeru que se concedió a una comunidá llingüística y los criterios pa qu'una web tenga'l dominiu .cat ye que los sos conteníos más significativos tean catalán.

Dende'l primer momentu'l dominiu .cat implementó la especificación IDN (Internationalized Domain Names, nomes de dominiu internacionalizaos), permitiendo l'usu de caráuteres de llingües distintes al inglés. D'esta manera, los nomes de dominios .cat pueden llevar cualesquier caráuter del alfabetu catalán, a esceición del apóstrofu. Esto inclúi nomes de dominiu con vírgula, el puntu mediu, la diéresis o la cedilla. El dominiu .cat foi tamién ún de los primeros dominios n'implementar IDN, xunto col de Chile (.cl).

El dominiu .cat tuvo'l siguiente calendariu de rexistru progresivu, estremáu en tres fases:

• La primer fase, de rexistru, abrió a les 17 hores (GMT +1) del día 13 de febreru de 2006 y duró hasta'l 21 d'abril. Esta fase tuvo acutada a les entidaes que tuvieren una especial vocación cola promoción de la llingua y la cultura catalanes.
• La segunda fase, de rexistru abiertu a tol mundu, empezó'l 20 de febreru de 2006 y duró hasta'l 21 d'abril. Acutáu a entidaes de tou tipu con presencia en catalán n'Internet.
• La tercer fase, empezó'l 27 de febreru (una selmana más tarde de lo previsto), hasta'l 21 d'abril de 2006, al empar que la segunda, y acutóse a les más de 68.000 persones, entidaes y empreses que se xuntaron a la campaña de sofitu a la candidatura del .cat. El rexistru progresivu ye un fechu común nos dominios nuevos.

En 1996 creóse l'Asociación en Defensa del Dominiu .ct (ADD.CT). Esti pidimientu implicaba la homologación del códigu territorial de dos lletres pa Cataluña na norma ISO 3166-1. Aprobóse una proposición non de llei nel Parllamentu de Cataluña qu'encamentaba a la Xeneralidá de Cataluña a llograr esta homologación. En 2001 creóse l'Asociación puntCAT, na que participa ADD.CT, pa consiguir un dominiu, agora de tres lletres y referíu a la comunidá llingüística y cultural de llingua catalana, aprovechando les posibilidaes de los nuevos dominios patrocinaos. El 16 de marzu de 2004 l'Asociación puntCAT presentó la candidatura del dominiu .cat énte la ICANN. La candidatura recibió'l sofitu de 68.000 persones, empreses y entidaes, númberu nunca llográu por otra candidatura.

El 15 de setiembre de 2005, a les 23:04 GMT el dominiu foi aprobáu oficialmente. La primer páxina operativa, @http://www.domini.cat, de la Fundación puntCat, entró en funcionamientu'l 21 d'avientu de 2005, a les trés de la madrugada.^[1]

• .gal
• .eus

• Fundación puntCat (en catalán)
• Páxina d'información y rexistru Archiváu 2021-05-15 en Wayback Machine (en catalán)
• Campaña por un dominiu puntCAT (en catalán)
• Entrevista de Vicent Partal a Amadeu Abril i Abril nel programa de Catalunya Ràdio y Vilaweb, l'internauta, nel qu'esplica tolos detalles del procesu de rexistru del dominiu .cat (en catalán)
• 20 entrugues sobre'l dominiu .cat (en catalán)
• Observatoriu de la implantación del puntCat (en catalán)
• Páxina web sobre'l meme Nyan Cat (tuvo de traducise al catalán por emplegar el dominiu .cat)