هلت ليالى القمر
هلت ليالى القمر
| ||||
---|---|---|---|---|
غناء | ام كلثوم | |||
اللغه | مصرى | |||
انتاج | 1942 | |||
الملحن | رياض السنباطى | |||
المؤلف | احمد رامى | |||
تعديل ![]() |
الكلمات
هلت ليالي القمر تعال نسهر سوا فى نور بهاه
يحلي ما بينا السمر ويطول
حديث الهوى سر الحياة
يصعب عليه تفوت لياليه
من غير ما شوف حسنك جنبي
وبات على الايام أراعيه واشوفه يكبر مع حبي
افضل أعد الليالي وأقول وصالك قريب
وبات أصور فى حالي لما ألاقي الحبيب
أقول أقابلك فين وابدا كلامي منين
ولما أشوفك يروح مني الكلام وأنساه
من فرحة القلب ساعة ما يلاقيك وياه
وافضل أعد الليالي واقول وصالك قريب
وأبات اصور فى حالي لما الاقي الحبيب
هلت ليالي القمر تعال نحي السهر
ما أحلى القمر على شط النيل
والجو رايق وهادي
تعال نسهر طول الليل وافرح واهني فؤادي
وأنعم بقربك والبدر بادي واسعد بحبك والورد نادي
الموج يناجي النسيم والجو ردد رنانا
واحنا فى ظل النعيم يحكى له قصة هوانا
وافضل أعد الليالي وأقول وصالك قريب
وأبات أصور فى حالي لما ألاقي الحبيب
ياللي القمر من بهاك نور فى قلبي سناه
تعالى جدد صفاه تروق وتحلى الحياة
ما بين جمالك وبين جماله
وبدع حسنك و طيف خياله
اسبح فى دنيا الخيال اهني قلبي وعنيه
وأشوف بعيني الوصال والبدر شاهد عليه
الموج يناجي النسيم
يحكيله قصة هوانا
واحنا فى ظل النعيم
والجو ردد لقانا
افضل أعد الليالي وأقول وصالك قريب
وأبات أصور فى حالي لما ألاقي الحبيب
شوف كمان
Text is available under the CC BY-SA 4.0 license; additional terms may apply.
Images, videos and audio are available under their respective licenses.