محمد سعيد
| محمد سعيد هوه حاكم مصر رقم 453 |
|---|
| ||||
|---|---|---|---|---|
.JPG) | ||||
| معلومات شخصيه | ||||
| الميلاد | 17 مارس 1822 [1][2] | |||
| الوفاة | 17 يناير 1863 (41 سنة)[1][2] | |||
| سبب الوفاة | سل | |||
| مواطنه |  | |||
| مشكله صحيه | سل | |||
| الزوجة | انجى هانم ملك بر هانم | |||
| ابناء | محمد طوسون باشا | |||
| الاب | محمد على باشا | |||
| اخوه و اخوات | ||||
| عيله | عيلة محمد على | |||
| معلومات تانيه | ||||
| المهنه | سياسى | |||
تعديل مصدري - تعديل  | ||||
محمد سعيد باشا ( 1822 - اسكندريه، 18 يناير 1863 ). رابع حكام مصر من عيلة محمد على ، امه عين الحياه قادين. أصغر ولاد محمد على باشا و والى مصر من 1854 لغاية وفاته فى 1863 ، ادى فرديناد ديليسبس امتياز حفر قناة السويس ، و بعت أورطه سودانيه المكسيك عشان يساعد الفرنساويه فى حربهم هناك. عمل انجازات حضاريه زى توسيع خط السكه الحديد وتوصيله لـ السويس سنة 1858. اصدر قوانين الاراضى المعروفه باسم " اللائحه السعيديه " سنة 1858. فتح ابواب مصر بالكامل للنفوذ القنصلى الاجنبى و أهمل التعليم لكن بالرغم من كده اهتم بالجيش وسمح لولاد مشايخ القرى بدخول الجيش و كان منهم احمد عرابى و ده سبب له مشاكل مع عيلته و الشراكسه اللى لاموه لانه حسب رؤيتهم ساوا الفلاحين بيهم ، و فى حفله كبيره بمناسبة طهور ابنه الوحيد طوسون عزم الامرا و الذوات و الظباط و الخواجات و بعد ما خلصت وليمة الاكل وقف و قال انه بصفته مصرى من المصريين قرر إنه يثقف ولاد مصر و يعلمهم و يرقيهم عشان تبقى حكومة البلد فى ايدهم ، فلما سمع الخواجات الكلام ده اتخضو خضه كبيره و نزل كلامه عليهم زى الصاعقه و فرح المصريين اللى كانو موجودين و شكروه و دعو له. عاش فى بذخ و اسراف لغاية ما استدان. اتوفى فى اسكندريه فى 18 يناير 1863 و اتدفن جنب امه فى حى النبى دنيال فى الصاله الكبيره. خلفه ابن اخوه اسماعيل باشا.
أزواجه و أولاده
[تعديل]| الزوجه | أولاده منها |
|---|---|
| انجى هانم | احمد شريف باشا |
| ملك بر هانم | محمد طوسون باشا، محمود باشا |
دلوقتى موجود واحد من عيلته و من سلالته هو الامير محمد فاروق شريف هو حفيد الاكبر لاحمد شريف باشا ابن محمد سعيد باشا و هو دلوقتى عايش فى الاسكندرية فى منطقة سابا باشا بحى جليم و اجوز الاميره نجوى و جاب منها الامير شريف و الاميره منى و عايشين فى نفس المنطقه فى الاسكندريه
التعليم فى عصره
[تعديل]اتسمى عهده بعهد الالغاء فى التعليم زى عهد عباس الاول قبل منه لكنه اختلف عن عباس فى انه كان بيحب الاجانب و كان على علاقة طيبة ب فرديناد ديليسبس
لكنه فضل على نفس طريق عدم الاهتمام بالتعليم وتوج الاهمال ده بانه قفل ديوان المدارس (وزارة التربية والتعليم) اللى كان انشأها ابوه محمد على سنة 1837
لكنه شجع المدارس الاجنبية و كان التشجيع مادى (اداهم اراضى واموال ومحصولات) وتشجيع معنوى (سمح لهم بفتح المدارس الاجنبية فى انحاء البلاد)
تم انشاء 10 مدارس للجاليات اليونانية والايطالية والفرنسية فى القاهرة والاسكندرية وطنطا والمنصورة و كانت مخصصة لابناء الاجانب اللى كانو عايشين فى مصر
وكمان تم انشاء مدارس الجمعيات الدينية والبعثات التبشيرية زى مدرسة ( الراعى الصالح) ومدرسة (فتيات الاحسان)
وسمح للارسالية الامريكية ببناء 8 مدارس فى القاهرة واسكندرية والفيوم و كانت كلها مدارس للبنات بس
اهم احداث عهده
[تعديل]- اصدار اللائحه السعيديه
- توسيع السكه الحديد فى مصر
- السماح لولاد مشايخ القرى بدخول الجيش و كان منهم احمد عرابى
.svg)
| عباس حلمى الاول | حكم: 1854 - 1863 | اسماعيل باشا |
شوف كمان
[تعديل]مصادر
[تعديل]- ↑ أ ب وصلة : 1024058859 — تاريخ الاطلاع: 28 ابريل 2014 — الرخصة: CC0
- ↑ أ ب http://www.royalark.net/Egypt/egypt8.htm
| الملوك | محمد على · ابراهيم باشا · عباس حلمى الأول · محمد سعيد · اسماعيل · محمد توفيق · عباس حلمى التانى · حسين كامل · فؤاد الأول · فاروق الأول · فؤاد التانى |  |
|---|---|---|
| الملكات | ||
| أوليا العهد | ابراهيم · عباس حلمى الأول · محمد سعيد · احمد رفعت · اسماعيل · مصطفى فاضل · محمد توفيق · عباس حلمى التانى · محمد عبد المنعم · فاروق الأول · محمد على توفيق · احمد فؤاد · كمال الدين حسين · محمد على | |
| أمراء | ||
| أميرات | زينب هانم افندى · هوشيار قادين · انجه هانم · الاميره امينه هانم · نعمت هانم · زينب هانم افندى · جشم آفت هانم · جمال نور قادين أفندى · شفق نور هانم · اقبال هانم · الاميره فاطمه اسماعيل · نازلى فاضل · بنبه قادن · شويكار خانم · الاميره فوقيه · فوزية بنت فؤاد · فايزه بنت فؤاد · فايقه بنت فؤاد · فتحية بنت فؤاد · فوزية بنت فاروق · فريال بنت فاروق · فادية بنت فاروق | |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
