مجلس الشورى المصرى
| ||||
|---|---|---|---|---|
.svg) | ||||
| جزء من | مجلس النواب (مصر) | |||
| البلد |  | |||
| التأسيس | 1980 | |||
| تاريخ الالغاء | 5 يوليه 2013 | |||
| الاختصاص | مصر | |||
| عدد المقاعد | ||||
| الختم | ||||
| مخطط | ||||
تعديل  |
||||
مجلس الشورى كان من مكونات برلمان مصر
تأسيس
[تعديل]البدايه كانت سنة 1866 لما الخديوى اسماعيل اسس مجلس شورى النواب، اللى كان بداية المجالس النيابية ف مصر، وكان بيتكون من ستة وسبعين عضو.
دستور 1971
[تعديل]مجلس الشورى كان بيكون مع مجلس الشعب البرلمان المصرى. اتئسس فى 19 ابريل 1979 بعد تعديل دستور 1971. مدة الدوره المجلس ست سنين و بيبقى اعضائه 264 بينتخب الناس تلتينهم و لازم يبقى نصفهم عمال و فلاحين و الحكومه بتعين باقى النواب.مجلس الشورى مقره كان نفس مقر مجلس الشيوخ المصرى اللى كان وقت دستور 1923 و اللى كان لسه شغال بيه لحد انقلاب 52. دور مجلس الشورى استشارى و مش اجبارى تنفيذ قرارته و مجلس الشعب ليه الكلمه الاعلى.
حريقة 2008
[تعديل]فى عصر يوم 19 اغسطس 2008 حصلت حريقه كبيره فى الاوض الخشب بتاعة سطح القصر اللى فيه المجلس , المبنى فى القرن التسعتاشر, الحريقه ماتعرفش يتسيطر عليها و اتنقلت من السطوح للمبنى نفسه. عشان يطفى الحريقه الكبيره جت 70 عربية مطافى و تلت طيارات هيلكوبتر تبع القوات المسلحه عشان يحولوا يسيطروا على الحريقه بس بكل المحاولات دى الحريقه متسيطرش عليها و فضلت لحد تانى يوم.فى الحريقه دى مات واحد و اتصاب حوالى 16 واحد منهم ناس من المطافى و القاعة الرئيسية بتاعة المجلس و اللى معروفه بقاعة الدستور , اللى اتعمل فيها دستور 1923 , و اتحرقت قاعة الشورى اللى حصلت فيها محاكمة احمد عرابى بعد ما فشلت الثوره العرابيه فى 1882 و اللى كانت فيها كمان جلسات مجلس الشيوخ المصرى قبل 23 يوليه 1952. اتحرقت كمان وثائق مهمة. الغريب فى الموضوع جنب الاهمال الجامد فى مكان تاريخى و مهم زى دا , كان سلوك المصريين وقتها اللتى اتجمعوا قدام المجلس و فضلوا يتفرجوا على الحريقه و يصوروها بكاميرات الموبيلات و محدش حاول انه يساعد فى انه يطفى الحريقه, فيه ناس بتقول ان دا بسبب اللامباله اللى بقت عن اغلب المصريين و شعورهم ان هما ملهمش دعوه المجلس دا بتاع الحكومه و هما اللى مسؤلين عنه و ان المجلس دا ( مجلس الشورى و مجلس الشعب) اصلا مش بيفيدهم فى حاجه بالعكس ساعات بيضرهم و الحكومه هى اللى بتجيب اللى فيه عشان يوافقوا على قرارتها فهما اللى يتحملوا الموضوع كله. الشعور دا بينتشر جامد فى الشعوب اللى حاسه و عندها كبت سياسى. بعد الحريقه صفوت الشريف رئيس المجلس قال ان الدولة هى اللى حتتكفل ببنى المبنى تانى من الميزانيه العامه و استبعد ان تكون الحريقه عمل تخريبى.
الغاء
[تعديل]مجلس الشورى اتلغا ف دستور 2014 [1]
مصادر
[تعديل]Text is available under the CC BY-SA 4.0 license; additional terms may apply.
Images, videos and audio are available under their respective licenses.
