قاعدة بيانات
| ||||
|---|---|---|---|---|
 | ||||
| بيانات | ||||
| بيتكون من | بيانات نظام ادارة قواعد البيانات | |||
| تطابق تام | http://purl.org/spar/fabio/Database | |||
تعديل  |
||||
.PNG)
هى نظام مصمم عشان ينظم ويخزن الداتا وكمان بيستخدم لاسترجاعها بسهولة وبكميات كبيرة فى وقت قليل. بتتكون من مجموعه منظمه من عناصر البيانات المنطقيه المربوطه مع بعضها بعلاقه رياضيه معينه. فى طرق تصنيف كتيره لقواعد البيانات زى حسب المحتويات بتاعتها مثلا فى قاعدة بيانات احصائيه, فى قاعدة بيانات نصية, فى قاعدة بيانات للصور وهكذا.
نظام ادارة قواعد البيانات(دى بى ام أس) هيا سوفت وير بيستخدم لتخرين وانشاء وادارة قواعد البيانات وكمان بيستخدم لاسترجاع البيانات واضافتها و تعديلها وعمل الصيانة الدوريةعليها واضافة او حذف اليوزرز(المستخدمين) بتوعها وكمان الصلاحيات بتاعة كل واحد منهم.
الداتا جوا قاعدة البيانات بتكون على هيئة جدول واحد او اكتر وبيتكون الجدول من سجل(Record)او اكتر وبيتكون السجل من حقل(Field) او اكتر على سبيل المثال : السجل الخاص بموظف معين بيتكون من كذا حقل زى: رقم الموظف - اسم الموظف - درجة الموظف - تاريخ التعيين - المرتب … كل البيانات دى بتتخزن فى الكومبيوتر بطريقه منظمه بتسهل استرجاعها. جوا الكومبيوتر فيه سوفت وير اسمه داتا بيز أنچن(محرك قاعدة البيانات بالعربى) وده بيسهل التعامل مع الداتا والبحث فيها وبيمكن اليوزر من أنه يضيف او يعدل فيها.استرجاع الداتا بيتم باستخدام أوامر لغة الآس كيو ال(SQL) اللى هيا لغة برمجة خاصة للتعامل مع قواعد البيانات.
فى معظم الحالات بتكون فيه علاقات بين الجداول جوا قاعدة البيانات, العلاقات دى بتحدد تصميم قاعدة البيانات وكمان بتسهل التدوير على داتا معينه. تصاميم قواعد البيانات بتركز على نموذج معين يسهل التعامل مع البيانات وتخزينها وكمان يمنع التكرار اللى بيعتبر عيب كبير فى التصميم للنظم دى. فى كذا شغلانه فى مجال قواعد البيانات زى مثلا : مصمم قواعد البيانات - مبرمج قواعد البيانات - مدير قواعد البيانات(داتا بيز أدمن) وفيه كمان مستخدمين قواعد البيانات ودول كتير جدا عشان هيا بقت داخله فى كل برامج الكومبيوتر زى البنوك والشركات والأنترنت يعنى ممكن نقول ان 99% من البرامج لازم تستخدم قواعد البيانات بشكل او بأخر.
التسويه(Normalization)
المقاله الرئيسية:التسويه (Normalization)
اثناء عملية تصميم قاعدة البيانات بيتم ترتيب الداتا بحيث نقلل التكرار وده بيتسمى التجريد او نماذج التطبيع ونتيجة العملية دى ان الداتا بتبقى متصنفه كويس.وبتتكون النماذج دى من تلت مراحل لكن عملين لما بتتطبق مش بتوصل للمرحله التالته.
وفيه تركيبات لقواعد البيانات حسب نوع العلاقة الرياضية بين البيانات، ومنها:
- التركيب العلائقي : وهوا اعتماد علاقة معينه بين عناصر البيانات، مسلن أن تكون قيمة عنصر معتمدة على حاصل جمع عنصرين. والتركيب ده هوا أنجح التراكيب اللى بتتطبق فى عالم قواعد البيانات المعلوماتية، وده عشان فيه تنوع فى نوع العلاقة بين البيانات، لأن احتمال تنفيذ العلاقات فيه أكتر من اى تركيب اخر.
- التركيب الهيكلي : وهوا اعتماد علاقة الهيكل التنظيمي بين عناصر البيانات، مسلن أن يكون عنصرين متصنفين تحت عنصر واحد او تابعه.
- التركيب الهرمي : وهوا اعتماد علاقة هرميه بين عناصر البيانات، مسلن أن يكون كل عنصر مسؤول عن عنصر واحد فقط مش اكتر من كده.
الصفحه دى فيها تقاوى مقاله عن كومپيوتر. و انت ممكن تساعد ويكيپيديا مصرى علشان
تكبرها. Text is available under the CC BY-SA 4.0 license; additional terms may apply.
Images, videos and audio are available under their respective licenses.
