فلك
الفلك هوه العلم اللى بيدرس الاجسام الفضائيه زى النجوم والكواكب والمزنبات والمجرات. يعنى الفلك بيدرس الظواهر اللى بتحصل بره الغلاف الجوى بتاع الارض.
تاريخ علم الفلك
قبل اختراع التليسكوب كانت دراسات النجوم من فى أماكن الرصد زى المبانى و الأراضى المرتفعه باستخدام العين المجرده و مع تطور الحضارات تم تجميع نقاط الرصد الفلكيه فى العراق القديمه و اليونان و مصر القديمه و بلاد فارس و حضاره المايا فى أمريكا الجنوبيه و الهند و الصين و النوبه.
ظهرت اكتشافات فلكيه مهمه قبل تطبيق استخدام التليسكوب فمثلا قدّر علما الفلك الصينيين انحراف مسير الشمس سنه 1000 قبل الميلاد. و اكتشف علم الفلك البابلى ان الخسوف القمرى بيتم جوا دايره متكرره اسمها دوره الخسوف, و فى القرن التانى قبل الميلاد قدر هيبارخوس حجم القمر و المسافه بينه و بين كوكب الأرض.
و مع اختراع التيلسكوب و تحسينه ظهرت المزيد من الاكتشافات فمثلا عالم الفلك وليم هرشل عمل ليسته مفصله حولين الضبابيه و التكتلات و كما اكتشف كوكب أورانوس سنه 1781, و هو أول كوكب جديد اكتشف.
و فى القرن التسعتاشر ظهر تقدم كبير فى مجال علم الفلك و مع دخول التكنولوجيا الجديده ظهرت اكتشافات كتيره فى علم الفلك.
شوف كمان
Text is available under the CC BY-SA 4.0 license; additional terms may apply.
Images, videos and audio are available under their respective licenses.
