صلح الرمله
| ||||
---|---|---|---|---|
مقالة ليسته من ويكيميديا | ||||
تعديل ![]() |
![](https://upload.wikimedia.org/wikipedia/commons/thumb/5/53/LionHeartFarewell.jpg/100px-LionHeartFarewell.jpg)
صلح الرمله اتفاقية سلام وقعت بين صلاح الدين الأيوبى و ريتشارد قلب الأسد يوم 2 سبتمبر 1192. انتهت بيها الحمله الصليبيه التالته و حالة الحرب بين الصليبيين و صلاح الدين.
وقعت الاتفاقيه بعد مفاوضات مضنيه عملها الملك العادل اخو صلاح الدين الأيوبى بالنيابه عنه و وقعها امرا من الطرفين ، و دخل فيها امرا طرابلس و انطاكيا ، ادت للصليبيين المدن الساحليه من عكا ليافا و ادتهم حق زيارة الاماكن المقدسه مقابل عسقلان ، بعد تخريبها ، تكون فى يد صلاح الدين مع كل المدن اللى فى جنوبها.[1] عسقلان كانت مهمه جداً بالنسبه لصلاح الدين لانها كانت على الطريق اللى بتعدى عليه الامدادات العسكريه اللى تأتيه من مصر.
بعد توقيع الاتفاقيه ذهب الجنود الصليبيه مباشرة من غير سلاح على القدس لكى تصلى و أكرمهم صلاح الدين كرم كبير. ريتشارد نفسه ما راحش و رفض انه يدى العساكر الفرانسويه پاسپورتات عشان يدخلوا بيها القدس.[1]
صلاح الدين وافق على تعيين قسسه لاتين فى القدس و بيت لحم و الناصره ، و ده خلى البيزنطيين فى قسطنطينيه يفتكروا ان ريتشارد بالمعاهده دى بيحاول يحول القدس لمدينه لاتينيه ، فبعت امبراطورهم ايزاك انجيلوس وفد قابل صلاح الدين ، و طلب منه انه يدى الكنايس الارتودوكسيه للمسيحيين الارتودوكس ، زى ما كان الحال أيام الفاطميين ، لكن صلاح الدين رفض و فهمهم انه مش حا يسمح لأى كنيسه بالسيطره على القدس ، و انه حايشرف على الكل. و رفض كمان طلب من ملكة چورچيا بشرا صليب الصلبوت بـ 200.000 دينار .[2]
بعد توقيع الاتفاقيه راح ريتشارد على عكا و سدد الديون اللى كانت عليه ، و فى يوم 9 اكتوبر 1192 ركب المركب و رجع اوروبا بعد ما قعد يحارب فى الشرق ستاشر شهر .[3] ، و بكده انتهت الحمله الصليبيه التالته اللى اتجمعت فيها جيوش امم كتيره و اتقتل فيها الالاف ، و اللى كان من نتايجها ان ساحل فلسطين من صور ليافا بقى فى ايد الصليبيين رسمى بمعاهده ، و ده كان ميلاد جديد لمملكة الصليبيين فى شرق البحر المتوسط ، لكن رغم كده ، مع ان مملكة الصليبيين دى كان اسمها مملكة بيت المقدس ، و ملكها لقبه ملك اورشليم ، بيت المقدس نفسها ما كانتش فى ايد الصليبيين [4]
وشكراالتبالكمدجح\
ارجو ان تعجبكم
فهرست وملحوظات
[تعديل]مصادر
[تعديل]- ابن واصل، مفرج القلوب فى أخبار بنى أيوب ( 5 مجلدات )، دار الفكر العربي، القاهرة.
- بسام العسلى : الايام الحاسمة فى الحروب الصليبية ، دار النفائس ، بيروت 1987.
- بهاء الدين بن شداد : النوادر السلطانية و المحاسن اليوسفية ، تحقيق جمال الدين الشيال، مكتبة الخانجى، القاهرة 1994.
- المقريزى : السلوك لمعرفة دول الملوك ( 8 اجزاء)، دار الكتب, القاهرة 1996.
- جمال الدين الشيال (استاذ التاريخ الاسلامي): تاريخ مصر الاسلامية، دار المعارف، القاهرة 1961.
- (ستيفين رونسيمان) Runciman, Steven, A history of the Crusades 3. Penguin Books, 2002
![](https://upload.wikimedia.org/wikipedia/commons/e/ed/Peace_dove.png)
Text is available under the CC BY-SA 4.0 license; additional terms may apply.
Images, videos and audio are available under their respective licenses.