حفنى احمد حسن
| ||||
|---|---|---|---|---|
| معلومات شخصيه | ||||
| الميلاد | سنة 1920 (العمر 103–104 سنة) | |||
| مواطنه |  | |||
| الحياه العمليه | ||||
| اللقب | الريس حفني | |||
| النوع | شعبى، تراثى | |||
| المهنه | مغنى | |||
| المهنه | مغنى | |||
تعديل مصدري - تعديل  | ||||
حفنى أحمد حسن او الريس حفنى هو مغنى شعبى مصرى صعيدى من فرسان الموال الصعيدى كان بيغنى فى إذاعة اسكندريه المحلية من بدايه الستينات و كان ليه جمهور كبير من محبينه و قدم كتير من الأغانى.
الفنان حفنى كان متجوز من المطربه الشعبيه السكندريه "روح الفؤاد" صاحبة اغنيه (سوق بينا يا اسطى على الكورنيش) و هى بتعتبر علامه من علامات الفن البلدى الشعبى زى بدريه السيد, بنت الشاعر الشعبى حنفى البنجاوى و ابنه احمد المغنى الشعبى.
حياته
اتولد حفنى فى محافظة قنا و نقلت أسرته للإسكندرية و استقر فى عدد من البيوت فى منطقة بحرى ما بين المنشية و الأنفوشى, اشتغل فى مجال المعمار فى بداية حياته, ابتدا بتقديم الكتير من الأغانى كهاوى و التقطه زكريا الحجاوى زى كتير من رواد الغنا الشعبى فى مصر بس رفض يغنى من تأليف الحجاوى أو غيره و فضل أنه يغنى على طريقته الخاصة, قبل ثورة 23 يوليه بشويه انتشرت اغانىه اللى كتبها بنفسه على نمط «التربيع الصعيدى» و بلحن واحد متكرر مأخوذ من الفولكلور.
و فى فترة الخمسينيات اتفاجئ مره الصبح بواحد بيخبره بأن الرئيس جمال عبد الناصر موجود فى استراحته بالإسكندرية و عاوز يشوفه و اعتبرها هزار بس فى اليوم التانى لاقى نفسه وش لوش قدام الرئيس و غنا مقطع من أغنية و اتفاجئ بأن ناصر بيبكى و قله بأن الأغنيه دى كانت ونيسه فى الفالوجا لحرب فلسطين,[1] و أنه بيحب صوته و طلب منه أنه يسجل اغانىه على أسطوانات, و من هنا ابتدت أغانيه تنتشر فى كل مصر.[2][3]
من اغانيه
- فوزى وانصاف
- شفيقه ومتولى
- مواويل
- والله انا سايبك مش ندمان
- يا كداب
- انا الغربة طالت على
- الناس الأصيلة ما يميلوش
- قصة اولاد متولى
- أنا مظلوم
- ازاى تعاشر أبو وشين
- إنت غرامك شاغل بالي
- الحق عليا انا غلطان
- اخلص معايا وانا وياك
- أصفى معاك
- أنا مظلوم
مصادر
- السيرة الذاتية من موقع موالى [1] Archived 2012-11-23 at the Wayback Machine
Text is available under the CC BY-SA 4.0 license; additional terms may apply.
Images, videos and audio are available under their respective licenses.
