جنينة حيوانات الجيزه
| ||||
|---|---|---|---|---|
| جنينة حيوانات | ||||
 | ||||
| تاريخ الانشاء | 1891 | |||
| البلد |  | |||
| التقسيم الادارى | الجيزه | |||
| المساحه | ||||
| الموقع الرسمى | الموقع الرسمى | |||
| الرمز الجغرافى | 8203057 | |||
| ||||
تعديل  |
||||
جنينة الحيوان فى الجيزه من اكبر و اقدم جناين الحيوان فى مصر و الشرق الاوسط و اهم المعالم فى محافظة الجيزه بعد الاهرامات و الجامعه.اتأسست جنينة الحيوان على مساحة 80 فدان (336,000 متر مربع) فى الجيزه على الضفه الغربيه لنهر النيل و بتطل من الشمال على جامعة القاهره و بتديرها وزارة الزراعه المصريه.و فيها الالاف من الحيوانات النادره و المتهدده بالانقراض.الجنينه فيها كمان عدد كبير جدا من الاشجار و النباتات النادره.
التاريخ
[تعديل]الخديوى اسماعيل كان اول واحد يفكر انه يبنى جنينه للحيوانات فى مصر بمناسبة افتتاح قناة السويس بس ما لحقش يخلصها قبل معاد الافتتاح سنة 1896.الخديو اختار انها تتبنى فى مكان جنينة قصر الحريم اللى كان اصلا زينها بالنباتات و استوردلها انواع نادره من الاشجار من مناطق كتيره من العالم زى الهند و وسط افريقيا و امريكا الجنوبيه.الجنينه اتفتحت للجمهور فى 1 مارس 1891 ايام الخديوى محمد توفيق.
الوصف
[تعديل]جينيه حيوانات الجيزه بتعتبر جنينة حيوانات و نباتات فى نفس الوقت لانها مليانا اشجار معمره بيوصل عمر اغلبها لاكتر من 140 سنه و لسه عايشه لحد دلوقتى.جزيرة الشاى من بقايا قصر الحريم بتاع الخديوى اسماعيل و بتعتبر تحفه فى المعمار و خصوصا الارضيه الرخام بتاعتها المزخرفه بحجر اسود مستورد من ايطاليا. من معالم الجنينه كمان الكشك اليابانى اللى اتبنا سنة 1924 ايام الملك فؤاد بمناسبة زيارة ولى عهد اليابان لمصر.تذكرة الدخول للفرد جنيه واحد بس و عشان كدا الجنينه ما بتقدرش تغطى تكاليفها و اغلب الحيوانات عايشين فى ظروف مش نموذجيه. من اكبر الانجازات اللى حصلت فى الجنينه هو ولادة اول كلب بحر (Zalophus californianus) فى الشرق الاوسط و دا كان سنة 2002.
القفل
[تعديل]فى 19 فبراير 2006 اتقفلت جنينة الحيوانات لاول مره فى تاريخها بامر من وزير الصحه المصرى حاتم الجبلى بسبب انتشار انفلونزا الطيور فى مصر و موت عدد كبير من البغبغانات .الجنينه اتفتحت تانى قدام الجمهور بعد 15 يوم.
الحيوانات
[تعديل]الجنينه فيها حيوانات كتيره منهم البغبغانات و زيبرا و فيله و اسود و جبلاية القرود من اكتر الحاجات اللى بتجذب الجمهور. الجنينه فيها حوالى 6000 حيوان بالاضافه لكلاب البحر ف الجنينه فيها اعداد كبيره من الغزلان و و الجمال ام سنمين و الزراف و النعام و الدببه و التماسيح والطيور.
الكشك اليابانى
[تعديل]هو متحف صغير اتبنا سنة 1924 فيه ممتلكات و صور الفوتوغرافية لجنينة الحيوانات.
المصادر
[تعديل]كلب القوقاز Archived 2013-03-25 at the Wayback Machine انواع الحيوانات Archived 2014-01-26 at the Wayback Machine
Text is available under the CC BY-SA 4.0 license; additional terms may apply.
Images, videos and audio are available under their respective licenses.
