تركى الحمد
تركى حمد تركى الحمد ( اتولد فى الكرك، الأردن، 10 مارس 1952 ) ، كاتب و روائى و محلل سياسى و استاذ جامعى و مفكر سعودى كبير و رمز من رموز الفكر الليبرالى فى السعوديه.
اتولد تركى الحمد فى الكرك فى الاردن سنة 1952 من اسره سعوديه. قضى شبابه فى منطقة الدمام و بعد ماخلص دراسته المدرسيه دخل جامعة الملك سعود فى الرياض لكن اتقبض عليه و هو فى سنه أولى و اتسجن سنتين ، و بعد الافراج عنه سافر على امريكا و درس هناك و اخد ماجيستير العلوم الساسيه من جامعة كلورادو فى امريكا فى سنة 1979 ، و لما رجع السعوديه اشتغل استاذ للعلوم السياسيه فى كلية العلوم الإداريه فى جامعة الملك سعود من 1985 ل1995.
كتب فى جورنال " الرياض " و بعدين من سنة 1990 كتب فى جورنال " الشرق الوسطانى " و بعد توقف عن الكتابه رجع ليها تانى فى جورنال " الوطن".
فى سنة 1986 نشر كتاب " الحركات الثورية المقارنة " و فى 1992 نشر " دراسات أيديولوجية فى الحالة العربية " ، و فى 1993 " الثقافة العربية قدام تحديات التغيير " ، و " عن الانسان أتحدث " فى سنة 1995.
فى سنة 1995 نشر ثلاثيه روائيه اسمها " أطياف الأزقه المهجوره " جابت له مشاكل بسبب تعرضها لموضوعات بتعتبر حساسه فى المجتمع السعودى. اثارت الروايه دى جدل كبير فى السعوديه حيث انه اتعرض فيها للدين و السياسه و الجنس و هى موضوعات كانت وقت نشرها بتعتبر تابو فى المجتمع السعودى و وصل الموضوع لدرجة اصدار شيوخ فتاوى بتكفيره و اباحة قتله بحجة انه اتعرض للى سموه " ثوابت الشريعة ". بعد التلاثيه الروائيه كتب " الثقافة العربية فى عصر العولمة " و بعد كده رجع لكتابة الروايات فكتب روايتين هما " شرق الوادى " و " جروح الذاكرة ". و بعد الروايتين اصدر كتابين هما " ويبقى التاريخ مفتوحا " و " من هنا يبدأ التغيير " و فى سنة 2004 اصدر رواية " ريح الجنة " اللى اتحولت لمسلسل تيليڤيزيونى.
تركى الحمد عنده تلت ولاد و بنتين.
مؤلفاته
[تعديل]- الحركات الثورية المقارنة، 1986.
- دراسات أيديولوجية فى الحالة العربية، 1992.
- الثقافة العربية قدام تحديات التغيير، 1993.
- عن الانسان أتحدث، 1995.
- أطياف الأزقة المهجورة ، 1995 و هى ثلاثية روائية بتتكون من :
- العدامة
- الشميسي
- الكراديب
- الثقافة العربية فى عصر العولمة، 199.
- شرق الوادى (رواية)، 200.
- جروح الذاكرة (رواية)، 200.
- ويبقى التاريخ مفتوحا، 200.
- من هنا يبدأ التغيير، 2004.
- ريح الجنة (رواية)، 2005.
- السياسة بين الحلال والحرام
- الياليقبل
لينكات برانيه
[تعديل]- روافد: حوار توثيقى مع تركى الحمد "الجزء الاول". العربية نت Archived 2011-12-07 at the Wayback Machine
- روافد: حوار توثيقى مع تركى الحمد "الجزء الثاني". العربية نت Archived 2011-04-04 at the Wayback Machine
Text is available under the CC BY-SA 4.0 license; additional terms may apply.
Images, videos and audio are available under their respective licenses.
