Wartebärg bi Muttez
| Wartebärg | ||
|---|---|---|
 Usblick vom Wartebärg uf Muttez und gege Basel | ||
| Hechi | 479 m | |
| Lag | Kanton Basel-Landschaft, Schwiiz | |
| Gebirg | Dafeljura | |
| Geografischi Lag | 616277 / 263150 | |
| ||
| Dialäkt: Baseldütsch |
Dr Wartebärg isch es markants Wohrzeiche vo dr Baselbieter Gmeind Muttez. Uf em Bärg befinde sich d Ruine vo drei mittelalterlige Burge, wo au Wartebärg heisse.
Dr Bärg
Dr Wartebärg isch än Hügel südöschtlig vo dr Gmeind, ä Deil vom Dafeljura und än Usläufer vom Gämpeplateau. Si högscht Punkt lit uf erä Höchi vo 479 Meter und isch guet 200 Meter höcher as s Dorf.
Befestigungsaalage
D Höchi und Form vom Wartebärg eignet sich vorzüglich für militärischi Zwäck und an der högschte Schtell het mä ä Aalage us dr Bronzeziit gfunde, wo as Refugium benutzt worden isch. Mä het Pfiilschpitze, ä Lanze, Mässer und Sichle, Duusigi vo Schleuderschdei für d Verdeidigung und verschiednigi Grät us Schdei. Vo dr Aalag sälber het mä keini Überräscht gfunden wäge de Burge, wo schböter baut worde si.
Im Middelalter isch en Aalag mit drei Burge uf em Groot vom Wartebärg baut worde, wo im Grosse Ärdbebe vo Basel 1356 grösstedeils zerstört worde und churz druf ufgee worde si.
Naturschutzgebiet
Dr Wartebärg isch um d Burgruine ume e Naturschutzgebiet, wo mit Wanderwäg guet erschlosse isch. Es waggst dört e Mischwald vo Bueche, Linde, Eiche, Föhrene und andere Baumarte. In de früehnere Steibrüch uf dr Süd- und Ostsite vom Bärg findet mä Pflanze, wo Wermi gärn hai, und Reptilie.[1]
Fuessnote
- ↑ Naturschutzgebiet Wartenberg Archivlink (Memento vom 27. Oktober 2007 im Internet Archive)
Text is available under the CC BY-SA 4.0 license; additional terms may apply.
Images, videos and audio are available under their respective licenses.
