D Sonja Hasler (* 20. Juli 1967 z Wauterswiu) isch e Schwyzer Moderatoori un Redakteri. Si schafft as Moorgebroduzänti bi Radio SRF 1.

D Hasler het Germanischtik, Theology un Psichology z Bärn un z San José (Costa Rica) studiert. Derno het si as freii Mitarbaiteri bi Radio extraBERN gschafft, bi dr Bärner Zytig un bim Langeter Tablatt. Vu 1994 bis 1996 het si as Sportredakteri bim Schwyzer Radio DRS gschafft. Anne 1997 isch si in d Nochriichteredakzioon vu DRS gwägslet, wu si bi 2000 gschafft het. Bis anne 2005 isch si as Gspräächslaiteri bim Tagesgespräch engaschiert gsii, au bi Radio DRS. 2006 isch si in d Redakzioon vu dr Sändig Rundschau gwägslet un isch deert bis Summer 2013 Moderatoori gsii^[1]. 2009 het si derzue d Moderazioon vu dr bolitische Diskussionssändig Arena uf SRF 1 ibernuu, wu si bis 2014 glaitet het. Noch ere berueflige Uuszyt het d Hasler im Augschte 2015 bim Radio SRF 1 mit dr Moderazioon vu dr Gspräächssändig Persönlich aagfange.^[2] Im Friejohr 2022 het si d Sonja Hasler entschiide, ass si d Moderazioon vu Persönlich abgit.^[3] Mer cha d Hasler allno heere in dr Moorgesändig vu Radio SRF 1 as Moorgebroduzänti.

Näbe ire Aarbet bim Radio schafft d Hasler im Winter au as Schyyleereri im sanggalische Amme.

1. ↑ «Rundschau»: Susanne Wille neu beim Politmagazin. Abgruefen am 12. Juni 2013. 
2. ↑ Sonja Hasler wird neue Gesprächsleiterin bei «Persönlich». Abgruefen am 2. Juli 2016. 
3. ↑ Sonja Hasler: Mit neuem Schwung voran. Abgruefen am 4. Januar 2023. 

Dä Artikel basiert uff ere fräie Übersetzig vu dere Version vum Artikel „Sonja_Hasler“ vu de dütsche Wikipedia. E Liste vu de Autore un Versione isch do z finde.