S Schloss Brunegg isch es Schloss uf em Gmeindsbann vo Brunegg im Schwiizer Kanton Aargau. S Schloss ligt uf em Felsusläufer vom Chäschtebärg öppe 120 Meter oberhalb vom Dorf.

Im 13. Johrhundert hei d Habsburger e Burg laa baue und hei s Lehe de Schänke vo Brunegg gäh. Nach de Brunegger werde au d Hedinger, Troschtburger und d Gessler vo Maiebärg als Bsitzer gnennt. Wo d Bärner im 1415 de weschtlichi Teil vom Aargau eroberet hei, het Brunegg Widerstand gleischtet und isch gliichwohl eroberet worde. Im 1470i hei d Bärner s Lehe iizoge und hei s 1472/73 de Familie Segesser vo Mellige gäh. Wo d Bärner im 1528 d Reformation iigführt hei, hei d Segesser (wo als Melliger Gschlecht katholisch blibe sind) d Burg wider an Bärn verchauft. So isch de Burg im 1804 an de Kanton Aargau cho und 1805/06 in es Schloss umbaut worde. Sit em 1815 isch s Schloss in Privatbsitz.

• Michael Stettler: Das Schloss Brunegg. In: Gesellschaft für Schweizerische Kunstgeschichte (Hrsg.): Die Kunstdenkmäler des Kantons Aargau. Band II: Die Bezirke Lenzburg und Brugg. Basel 1953, S. 344-353.

 Commons: Schloss Brunegg – Sammlig vo Multimediadateie