Paris-Roubaix 1900Paris-Roubaix 1927S Ziil vum Ränne: s Vélodrome z RoubaixDr Pavéabschnitt Camphin-en-PévèleDänkmol fir dr Bflaschterstei, ufgrichtet zue dr 100. Uflag vum Ränne (2002)Paris-Roubaix 2007Fabian Cancellara, Gwinner 2010Tom Boonen, Gwinner 2012
Paris–Roubaix isch eis vu dr beriemteschte Eidagesränne im Radsport un zellt zue dr fimf sognännte Monumänt vum Radsport.
S Ränne, wu s erscht Mol anne 1896 uusdrait woren isch, findet alljohr Mitti April z Nordfrankryych statt un wird La Reine des Classiques (Chenigi vu dr Klassiker) gnännt, aber au L'Enfer du Nord (d Helli vum Norde). S isch as eis vu zeh Ränne Deil vum Rad-Weltcup gsi, bis dää no dr Saison 2004 abgschafft woren isch, derno het s drej Johr zue dr nej grindetet UCI ProTour ghert, ere Serie vu dr wichtigschte Radränne vum Johr.
D Strecki vu Paris–Roubaix änderet sich vu Johr zue Johr nume wenig. Dää Friejohrsklassiker fangt aber scho syt 1977 nimi z Paris aa, derfir rund 80 km nerdli dervu, vor em Schloss z Compiègne. Karakteristisch fir Ränne, wu ganz flach isch, sin die beriemte Pavés: Wäg – zem Deil no us em 19. Johrhundert – mit grobem Chopfsteibflaschter, wu des Ränne bsundersch schwär mache, vor allem bi schlächtem Wätter. Dr Siiger vu Paris–Roubaix chunnt wäge däm e Pokal in Form vume Bflaschterstei iber. Hite wäre vil Pavés vu dr franzesische Regierig extra fir dr Radklassiker erhalte. Dr wohl gferchtetscht Pavéabschnitt isch dää dur dr Wald vu Wallers-Arenberg, d Trouée d'Arenberg, wu no zwei Drittel vum rund 260 km lange Ränne vilmol scho ne Vorentscheidig bringt. 2005 isch e Deil vum Bflaschter ufwändig reschtauriert, dr Abschnitt insgsamt e weng entschärft wore; är het aber syy Bewärtig as 5-Stärn-Abschnitt (hegschti Schwirigkeitsstapfle) bhalte. In dr ähnli schwirige Pavéabschnitt vu Mons-en-Pévèle un Le Carrefour de l'arbre im letschte Rännviertel git s au vilmol e Vorentscheidig.
D meischte Siig in dr Helli vum Norde het dr Belgier Roger De Vlaeminck ufzwyyse, wu zwische 1972 un 1977 insgsamt vier Mol uf dr Radrännbahn vu Roubaix triumphiert het. Zwaimol hän dytschi Fahrer Paris–Roubaix gwunne: dr Josef Fischer, wu di erscht Uusdragig anne 1896 gwunne het, un dr John Degenkolb anne 2015. Schwyzer Sigger sin dr Heiri Suter (1923) un dr Fabian Cancellara (2006, 2010 un 2013) gsi. Mit fimf Siig in segs Johr het in dr zwote Heflti vu dr 1990er Johr s Team Mapei dr Chopfsteibflaschter-Klassiker dominiert. Zweimol (1996 un 1998) het d Mannschaft sogar alli drej Podiumsplätz chenne bsetze.
Dr Vélo Club Roubaix duet all zwei Johr Jedermann-Uusgab vu Paris–Roubaix veraastalte, wu uf em Orginalkurs näbe Deilstreckine iber 120 km oder 190 km au di ganz Strecki vum Profiränne vu ca. 260 km chenne absolviert, alli drej Variante hän as Ziil s Vélodrome vu Roubaix.
Bi dr 105. Uusgab anne 2007 hän d Fahrer insgsamt 28 Chopfsteibflaschter-Passasche mieße iberwinde. D Sektore sin in d Kategorie 1 bis 5 yydeilt, doderbyy isch 5 di hegscht Stapfle. Fir d Kategorisierig zellt dr Zuestand vum Chopfsteibflaschter, d Lengi vum Abschnitt un au d Lag im Ränne. 2007 sin dr Wald vu Arenberg, Mons-en-Pévèle un dr carrefour de l'Arbre in d Kategori 5 yydeilt gsi. Insgsamt hän 52,7 Kilometer Chopfsteibflaschter mieße bewältigt wäre.[1].
This browser is not supported by Wikiwand :( Wikiwand requires a browser with modern capabilities in order to provide you with the best reading experience. Please download and use one of the following browsers:
Your input will affect cover photo selection, along with input from other users.
X
Get ready for Wikiwand 2.0 🎉! the new version arrives on September 1st! Don't want to wait?
Oh no, there's been an error
Please help us solve this error by emailing us at support@wikiwand.com
Let us know what you've done that caused this error, what browser you're using, and whether you have any special extensions/add-ons installed.
Thank you!