Dä Artikel bhandlet de Staat. Wyteri Bedütige vo „Palau“ findsch doo.

Belu'uera Belau (palau.) Republic of Palau (engl.) Republik Palau
Wahlspruch: Rainbow’s End (äng., „S Änd vom Rägeboge“)
Amtsspraach	Palauisch und Änglisch Japanisch und Angaur auf Angaur, Sonsorol uf de Sonsoro-Insle und Tobianisch uf Tobi
Hauptstadt	Melekeok uf dr Insle Babelthuap
Staatsoberhaupt und Regierigschef	Presidänt Johnson Toribiong
Flächi	491 km²
Iiwohnerzahl	20.750 (Stand: 2009)[1]
Bevölkerigsdichti	42,26 Iiwohner pro km²
Brutto­inlands­produkt pro Iiwohner	8.270 US-$ (2010)
Währig	US-Dollar
Unabhängigkeit	1. Oktober 1994 (vo de USA bzw. em UN-Dreuhandroot)
Nationalhimne	Belau loba klisiich er a kelulul
Zitzone	(UTC +9)
Kfz-Kennzeiche	PAL
Internet-TLD	.pw
Vorwahl	+680

Palau (pal.: Belau) isch en Inselstaat im Pazifischen Ozean.

Dr Staat, wo in dr pazifische Inselregion Mikronesie lit, umfasst d Palauinsle, wo die westligi Inselgruppe vo de Karoline si und nördlig vo Papua-Neuguinea lige, und e baar wiit abglägeni Insle im Südweste (wo men e Südwest-Insle sait). Die sächs Inselgruppe vo de Palauinsle bestöhn us 356 Insle, sie grössti von ene isch mit 396 km² bi witem Babelthuap. Nume elf vo de Insle si bewohnt.

Die meisten Insle si Atoll us Korallechalch, wo nume e baar Meter über em Meeresspiegel lige.

S Klima isch dropisch. Die durchschnittligi Johrestämpratur bedräit 27 °C, d Niiderschlagsmängi pro Johr lit bi 1.500 bis 2.500 mm.

Die früehneri Hauptstadt Koror lit uf dr Insle Koror, wo nume 11 km² gross isch. Im Oste vo dr Hauptinsle Babelthuap het mä 2006 die neuji Hauptstadt Melekeok afo baue.

Noch em Zensus vo 2005 bekennt sich d Bevölkerig vor allem zum Christedum. Drunder möche d Katholike mit 49,4 Prozänt und d Protestante mit 21,26 Prozänt dr grösst Deil us. Es git au no Siibte-Dag-Adventiste (5,3 %), Jehovas Züüge (1,1 %) und Mormone (0,7 %). Zur Modekngei, ere autochthone Religion vo Palau, ghöre 8,7 %. ^[2]

Die grössti ethnischi Gruppe si d Palauer wo 70 Prozänt vo dr Bevölkerig usmache. Das si Mikronesier mit malaiische und melanesische Vermischige. 28 Prozänt si Asiate (hauptsächlig Filipinos, denn no Chinese und Vietnamese). D Europäer möche 2% us.

Änglisch und Palauisch si d Amtssprooche uf Palau. Es wird au Japanisch, Tobianisch und Sonsorol gschwätzt.

• Krämer, Augustin: Palau. 5 Teilbände. Ergebnisse der Südsee-Expedition 1908–1910, Hrsg. G. Thilenius, II. Ethnographie: B Mikronesien, Hamburg 1917–1929: Friederichsen, De Gruyter. Als Reprint erhältlich bei Fines Mundi, Saarbrücken

 Commons: Palau – Sammlig vo Multimediadateie

 Wikimedia-Atlas: Palau – geographischi un historischi Charte

• Länderinformatione vom Uswärtigen Amt zu Palau

7.4666666666667134.55Koordinate: 7° N, 135° O

1. ↑ Office of Planning & Statistics: Social statistics (Englisch), abgerufen am 1. März 2007
2. ↑ Office of Planning and Statistics, Republic of Palau: 2005 Census of Population and Housing (Memento vom 5. Dezämber 2010 im Internet Archive), Tabelle 59, zuegriffen am 1. März 2007