Metropolregion Rhein-Neckar
| Logo | cHarte |
|---|---|
|
|
| Basisdate | |
| Bundesländer: | Baade-Wiirdebäärg, Hesse ùn Ryyland-Pfalz |
| Regiergsbezirk: | Chaarlsruei, Neistadt a. d. W. ùn Darmstadt |
| Verwaltigssitz: | Manne |
| Flächi: | 5.637,78 km² |
| Yywooner: | ca. 2,36 Mio. |
| Bevelkerigsdichti: | 418 Yywooner /km² |
| Regionsgliderig: | 8 Schdadchrais bzw. chraisfrèii Schded ùn 7 Landchrais |
| Verband | |
| Verbandsvorsitzende: | Eva Lohse |
| Verbandsdirektor: | Stefan Dallinger |
| Adräss vum Verband: | P 7, 20-21 68161 Mannheim |
| Website: | www.vrrn.de |
| Metropolregion Rhein-Neckar GmbH | |
| Gschäftsfierer: | Stefan Dallinger,
Dr. Felix Gress |
| Adräss vu dr GmbH: | N 7, 5-6 68161 Mannheim |
| Website: | www.m-r-n.com |
| Charte | |
| |
| Topographischi Charte | |
| |
| Alt Logo | |
| |
| Dialäkt: Undermarkgreflerisch |
D Region Ryy-Necker oder Metropolregion Ryy-Necker (dt. Region Rhein-Neckar oder Metropolregion Rhein-Neckar) isch e Verdiichdigsruum ùn e Ruumornigs- ùn Blaanigsregion im Drèiländereg Baade-Wiirdebäärg, Hesse ùn Ryyland-Pfalz. Mid rùnd 2,48 Mio Yywooner isch d Region dr sibdgreeschd Wiirschfdsruum z Dydschland ùn zeld syder em 28. April 2005 zue dr europäische Metropolregione.
D Region Ryy-Necker ùmfasd d Groosschded Manne, Ludwigshafe und Heidelberg ùn s Ùmland vù däne Schded. Syder em 1. Jänner 2006 ghèère au dr Necker-Oodewald-Chrais ùn d Siidpfalz derzue. Zuechimbfdig sol au no d Region Midlere Ooberryy yybùnde wääre.
Schded ùn Landchrais
[ändere | Quälltäxt bearbeite]Zue dr Region Ryy-Necker ghèère die Schded ùn Landchrais (Stand 31. Dezämber 2006):
- Baade-Wiirdebäärg
- Stadt Manne (307.914 Yywooner)
- Stadt Heidelberg (144.634 Yywooner)
- Ryy-Necker-Chrais (534.220 Yywooner)
- Necker-Oodewald-Chrais (150.022 Yywooner)
- Hesse
- Chrais Bergstroß (264.985 Yywooner)
- Ryyland-Pfalz
- Schdad Ludwigshafe am Ryy (163.560 Yywooner)
- Schdad Worms (82.212 Yywooner)
- Schdad Neistadt an dr Wyystroß (53.506 Yywooner)
- Schdad Speyer (50.648 Yywooner)
- Schdad Frankethal (46.938 Yywooner)
- Schdad Landau in dr Pfalz (43.048 Yywooner)
- Ryy-Pfalz-Chrais (149.187 Yywooner)
- Landchrais Bad Dürkheim (134.628 Yywooner)
- Landchrais Germersche (125.425 Einwohner)
- Landchrais Sidligi Wyystroß (110.211 Yywooner)
Gschiichd
[ändere | Quälltäxt bearbeite]1951 hän d Schded Manne, Heidelberg, Ludwigshafe ùn Viernheim ùn d Landchrais Ludwigshafe ùn Heidelberg d „Kommunal Arbetsgmeinschaft Ryy-Necker“ grinded. 1969 isch dr èèrschd Schdaadsverdraag ùnderzaichned woore zwische Baade-Wiirdebäärg, Hesse ùn Ryyland-Pfalz iber d Region, 1970 hed sich derno dr Ruumornigsverband Ryy-Neckar konschtituiert.
Wyderi Schrid im Uusböu vù dr regionale Zämeaarbed sin d Grindig vùm „Rhein-Neckar-Dreieck e. V. “ 1989, dr Zämeschlùs vù dr Induschtrii- ùn Handelschamere im „IHK Wirtschaftsforum“ ane 2000 ùn d Grindig vù dr „Initiative Zukunft Rhein-Neckar-Dreieck“ 2003.
Am 28. April 2005 isch d Region Ryy-Necker offiziäll zuen ere „Europäische Metropolregion“ gnänd woore ùn am 26. Juli 2005 isch e nèie Schdaadsverdraag ùnderzaichned woore, wù dr Region greeseri Handligsmeegligkaide gee hed.
Zem 1. Jäner 2006 isch ùf dr Grùndlaag vùm zweede Schdaadsverdraag dr „Verband Region Rhein-Neckar“ as Räächdsnoofolger vùm bishäärige Ruumornigsverband Ryy-Necker, em Regionalverband Ryy-Necker-Oodewald ùn dr Blaanigsgmainschafd Ryypflaz.
Regionalblaanig
[ändere | Quälltäxt bearbeite]Dr Verband Region Ryy-Necker isch e Kerperschaft vum effentlige Rächt ùn dr Dreeger vù dr gmainschhafdlige Regionalblaanig ùn Ruumornig.
Dr Verband isch aine vù zwelf Regionalverbänd z Baade-Wiirdebäärg, ain vù dr fimf Ruumornigsverbänd z Hesse ùn ain vù dr fimf Ruumornigsverbänd z Ryyland-Pfalz. D Gschäfdsschdel vùm Regionalverband isch z Manne.
Dr Verband schdeld e Regionalblaan ùn koordinierd d Wiirschafdsfèèrderig, s Standortmarketing, Kongräss, Mässe, Kultur- ùn Sportveraaschdalige, s Tourismusmarketing, Landschaftsparks ùn Erhooligsyyriichdige, d Verchèèrsblaanig, s Verchèèrsmanagement ùn d Energiiversoorgig.
Literatur
[ändere | Quälltäxt bearbeite]- Wolfgang König: Die Europäische Metropolregion als steuerungstheoretisches Problem / Politische und gesellschaftliche Initiativen zum Aufbau der Metropolregion Rhein-Neckar. Marburg 2007. ISBN 978-3-8288-9354-2.
- Mathias König: Die Europäische Metropolregion: Neuer Vertreter regionaler Interessen / Politischer Lobbyismus durch die Metropolregion Rhein-Neckar. Marburg 2007. ISBN 978-3-8288-9353-5.
Weblink
[ändere | Quälltäxt bearbeite]- Offiziäll Portal vu dr Metropolregion Ryy-Necker
- Verband Region Ryy-Necker
- Staatsvertrag zur Verbandsgrindig
Text is available under the CC BY-SA 4.0 license; additional terms may apply.
Images, videos and audio are available under their respective licenses.
