Mörike-Wildegg
Basisdate
Staat:	Schwiiz
Kanton:	Aargau (AG)
Bezirk:	Länzbrgw
BFS-Nr.:	4203i1f3f4
Poschtleitzahl:	5103
Koordinate:	656095 / 25189547.415488.18194383Koordinate: 47° 24′ 56″ N, 8° 10′ 55″ O; CH1903: 656095 / 251895
Höchi:	383 m ü. M.
Flächi:	6.61 km²
Iiwohner:	4676 (31. Dezämber 2022)[1]
Website:	www.moeriken-wildegg.ch
bim Schloss Wildegg
Charte
w

Mörike-Wildegg (schwyzerdütsch: ˈmørkχə ˌʋɪldˈɛk; amtlich Möriken-Wildegg) isch e Ywoonergmeind im Bezirk Länzbrg im Kanton Aargau.

Bis ane 1951 isch dr offiziell Name vo dr Gmeind eifach Mörike gsi.

Zu dr Gmeind ghöre di beide Dörfer Wildegg und Mörike. Wildegg liit bi der Mündig vom Aabach id Aare und Mörike öpe ei Kilometer südöschtlech vo Wildegg am chlyne Täli vo dr Bünz, wo bi Wildegg in Aabach ymündet.

Im Nordoschte goot s Gmeindbiet bis uf de Cheschtebärg; die högschti Stell vo däm liit uf 647 Meter über Meer.

D Nochbergmeinde vo Mörike-Wildegg sind: Välte, Holderbank, Lupfig, Birr, Brunegg, Otmissinge, Länzbrg, Niiderlänz, Rupperswil und Gaueschtei.

A dr Gränze vo Mörike-Wildegg und Niderlänz isch der geografisch Middelpunkt vom Kanton Aargau mit em ene chlyne Dänkmol.

Uf em Cheschtebärg isch i dr Bronzezyt es chlyses Dorf gsi, und im Taal unde het me Spuure vo römische Sidlige gfunde. S Dorf Mörike isch im Middelalter gründet worde und in ere Kwelle vo ane 1292 s erschte Mol gnännt.

Uf em Felse über dr Aare hend d Grafe vo Habsburg im 12. Joorhundert d Burg Wildegg bout. Dere yre Name Wildecken isch s erschte Mol 1242 gnännt.

Sid 1415 isch s Biet vo Mörike im Territorium vo dr Stadt Bärn gsi und sid 1798 ghörts zum Kanton Aargau. S Dorf Wildegg isch erscht spoot under em Schloss bi dr Müüli am Aabach und de Fabrigge am Kanal entstande.

1899 isch d Zimäntfabrigg vo Wildegg bout worde.

S Gmeindwappe vo Mörike-Wildegg zeigt de Chopf vom ene Moor mit roote Lippe und Oorring über em ene roote sächsdeilige Bärg. Das Wappebild mit em Chopf, wo es eifachs Symbol vom Ortsname Mörike git, isch scho ane 1592 im Relief vom ene Gränzschtei z gsee. Der root Bärg chunt vom alte Wappe vo de Bsitzer vom Schloss Wildegg, dr Familie Effinger, här.

• 
  s Schloss Wildegg
• 
  di refermiert Chile vo Mörike
• 
  di katolisch Pfarrchile Sankt Antonius

 Commons: Möriken-Wildegg – Sammlig vo Multimediadateie

• Website vo dr Gmeind Mörike-Wildegg
• Felix Müller: Möriken-Wildegg In: Historisches Lexikon vo dr Schwiiz.
• Felix Müller: Wildegg. In: Historisches Lexikon vo dr Schwiiz.

1. ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023