Hochschuel Albstadt-Semmerenga
Hochschule Albstadt-Sigmaringen Hochschule für Technik, Wirtschaft, Informatik und Life Sciences | |
---|---|
![]() | |
Motto | Erfolgreich studieren. |
Gründig | 1. Oktober 1971 |
Drägerschaft | staatli |
Ort | Albstadt un Semmerenga |
Bundesland | Bade-Wirttebärg |
Land | Dytschland |
Räkteri | Ingeborg Mühldorfer |
Studänt*ene | 3578 WS 2016/17[1] |
Netzwärch | IBH |
Website | www.hs-albsig.de |
Dialäkt: Undermarkgreflerisch |
D Hochschuel Albstadt-Semmerenga (dt. Hochschule Albstadt-Sigmaringen, churz HSAS) isch e Hochschuel fir aagwändti Wisseschafte (HAW) z Bade-Wirttebärg mit Standort z Albstadt ⊙ un z Semmerenga ⊙ in dr Beraich Tächnik, Wirtschaft, Informatik un Life Sciences.
Profil
[ändere | Quälltäxt bearbeite]D Hochschuel isch Mitglid vu dr 2005 grindete Hochschuelregion Dibenga-Hoohoem mit dr Uniwersitet Hoohoem un Dibenga un dr Hochschuele Nirdenga-Geislenga, Reidlenga un Rauteburg. S Zyl vu däre Verainigung isch, bi Projäkt in dr Infraschtruktur, Verwaltig, Forschig un Lehr änger z kooperiere.
Derzue isch d Hochschuel Albstadt-Semmerenga syt e baar Johr Mitglid im Verbund Internazionali Bodesee-Hochschuel.
Aktuäll bietet d Hochschuel an beede Standort insgsamt 20 grundständigi Studiegäng mit Bachelor- un Master-Abschliss aa, derzue git s vier onlinebasierti Studiegäng näb em Beruef. Insgsamt studiere rund 3.300 Studänte*ne z Albstadt oder z Semmerenga.
Näb em normale Studium bietet d Hochschuel au ne sognännt Kombi-Studium in dr Beraich Maschineböu, Material and Process Engineering, Wirtschaftsingenieurwäse, Tächnischi Informatik, IT Security un Bedribswirtschaft aa. In Kooperazion mit Unternäme us dr Region chenne Studänte*ne eso in nume vierehalb Johr e Uusbildig mit IHK-Abschluss un glychzytig e Hochschuelabschluss mache. Di praktisch Uusbildig findet in dr Uusbildigsphase un parallel zum Studium in dr vorläsigsfreie Zyt statt un im Rame vu Praxissemeschter un dr Bachelorarbet.
Dodriber uuse cha mer alli Studiegäng in ere indiwiduälle Dailzyt studiere.
Gschicht
[ändere | Quälltäxt bearbeite]Vorlaifer vu dr Hochschuel isch e Landfraueschuel z Semmerenga gsii, wu anne 1951 grindet woren isch. Us däre Schuel isch anne 1968 di Hecher Fachschuel fir Fraueberuef un Sozialpedagogik (Höhere Fachschule für Frauenberufe und Sozialpädagogik Sigmaringen) grindet wore, wu drei Johr speter Staatliche Ingenieurschule für Haushalts-, Ernährungs- und Bekleidungstechnik umgnännt woren isch.[2]
Mit em bade-wirttebärgische Fachhochschuelgsetz isch zum 1. Oktober 1971 us dr Staatlige Ingenierschuel d Fachhochschuel Semmerenga (Fachhochschule Sigmaringen). Dr erscht Diplomstudiegang isch dodmol d Chlaidertächnik gsii, speter isch dr Diplomstudiegang Ernehrigs- un Hygienetächnik derzue chuu. In dr Johr 1985/86 het mer iberlait, wie mer s Studienaagebot vu dr Fachhochschuel braiter cha ufstelle, zum dr Bedarf vu dr Wirtschaft besser z decke un zum dr Standort sterker z mache.
![](https://upload.wikimedia.org/wikipedia/commons/thumb/d/d2/Hochschule_Albstadt-Sigmaringen_Standort_Albstadt.jpg/220px-Hochschule_Albstadt-Sigmaringen_Standort_Albstadt.jpg)
Dr Aadrag vu dr Fachhochschuel zum Yyrichte vum Studiegang „Pharmatächnik“ isch dr Unternäme vu dr Pharmainduschtry unterstitzt wore, zum Wintersemeschter 1987/88 isch er an dr Fachhochschuel Semmerenga zum erschte Mol z Dytschland aabote wore.[3] Zum Wintersemeschter 1988/89 het mer z Albstadt en zweete Standort ufgmacht, dodermit isch Fachhochschuel Albstadt-Semmerenga (Fachhochschule Albstadt-Sigmaringen) entstande. D Chlaidertächnik het mer dert aane glait. Anderi Studiegäng sin in dr Johr duf derzue chuu. Z Semmerenga isch mit dr Bedribswirtschaft (BWL) en neie Fachberaich yygrichtet wore. Im Zug vu dr Umstellige vum Diplom zue Bachelor un Master ab 2004 isch us dr Fachhochschuel Albstadt-Semmerenga schließli di hitig Hochschuel Albstadt-Semmerenga (Hochschule Albstadt-Sigmaringen) wore.
Beedi Standort hän e differänziert Studienaagebot uuse bildet: Z Albstadt isch 1989 zuesätzli dr Diplomstudiegang Tächnischi Informatik un churz druf Maschineböu entstande. 1995 isch dr Diplomstudiegang Wirtschaftsingenieurwäse derzue chuu. Anne 1999 sin us dr Tächnische Informatik di beede Diplomstudiegäng Wirtschaftsinformatik un Kommunikazions- un Softwaretächnik firigange. Ab Aafangs 2005 sin alli Studiegäng vu Diplom uf Bachelor umgstellt wore. Ai Johr speter isch mit Management and Information Systems e nei Masteraagebot chuu, druf e Master-Studiegang Systems Engineering. Zum Wintersemeschter 2014/2015 het am Standort Albstadt dr Bachelor-Studiegang Material and Process Engineering aagfange, ne Mischig us Verfahrestächnik un Wärchstoffwisseschaft. Syt em Wintersemeschter 2016/2017 bietet d Hochschuel au im Rame vum nei grindete Kumpetänzzäntrum Master Induschtry 4.0 e interdiszipliner Wahlfach- un Verdiefigsaagebot fir Masterstudänte*ne zum Thema Induschtry 4.0 aa. Mitmache dien do d Masterstudiegäng Maschineböu, Systems Engineering, Täxtil- un Chlaidermanagement un Wirtschaftsingenieurwäse.
![](https://upload.wikimedia.org/wikipedia/commons/thumb/d/d6/Ebingen_Haux.jpg/220px-Ebingen_Haux.jpg)
Z Semmerenga isch 1998 dr Diplomstudiegang Bedribswirtschaft derzue chuu, im Summersemeschter 2000 dr Masterstudiegang Biomedical Engineering un im Wintersemeschter 2000/2001 dr Diplomstudiegang Facility Management. Glychzytig mit dr Umstellig z Albstadt isch au am Standort Semmerenga s bishärig Studienaagebot uf Bachelor umgstellt. Syterhär bietet d Hochschuel Albstadt-Semmerenga am Standort Semmerenga d Bachelorstudiegäng Bedribswirtschaft, Läbesmittel, Ernehrig un Hygiene, Pharmatächnik un Facility Management aa. Nei derzue chuu sin do syter 2008 Masterstudiegäng in Bedribswirtschaft un Management, Facility Design and Management (in dr Zwischezyt uusgwytet un umgnännt in Facility and Process Design) un Biomedical Sciences. Zum Wintersemeschter 2016/2017 het mer au mit em Bachelorstudiegang Energywirtschaft un Management aagfange.
Im Wintersemeschter 2012/2013 isch d Hochschuel zum erhscte Mol uf iber 3000 Studänte*ne chuu. Aafangs Wintersemeschter 2016/2017 hän insgsamt 3.668 Studänte*ne an dr Hochschuel studiert. Z Albstadt sin um des Zyt 1.956 Studänte*ne yygschribe gsii, z Semmerenga 1.525, en Färnstudiegang näb em Beruef hän 187 gmacht.[4]
Gebei
[ändere | Quälltäxt bearbeite]Z Albstadt sin d Studiegäng uf vier Gebei verdailt, wu noch bynander am Rand vu dr Altstadt vum Chärnort Ebenga lige, unter anderem e friejeri Täxtilfabrik. Dr Hochschuelstandort Semmerenga het dergege ne dytligi Campus-Struktur un lyt ufd ere Buckel usserhalb vu dr Stadt.
De Landkrais Semmerenga, Böudreger vum Hochschuelneiböu z Semmerenga, het vu dr Architäktechammere Bade-Wirttebärg 1995 d „Uuszaichnig fir Byschpilhaft Böue“ iberchuu. Mit em zweete Erwyterigsböu isch e klar strukturierte, hälle un funkzionale Böu Nord-Sid-Richtig mit ere Lengi vu 100 Meter entstande. Zuesätzli zum erschte un ober Stock git s au no ne Stock am Rai iber d Helfti vu dr Gsamtlengi. Dr Hauptzuegang fiert dur s jetzig Hauptgebei, dr sognännt erscht Erwyterigsböu us em Johr 1995. S schließt im, erhsctre un im obere Stock an dr Neiböu aa. Dr nerdlig Uusgang fiert uf dr Campus, dr sidlig Yygang zum Parkblatz.[5]
Scho in dr Gsamtblanig fir d Fachhochschuel aafangs 1990er Johr het mer en zweete Aaböu vorgsää. Vu April 2007 bis Merz 2009 isch en Erwyterigsböu mit 1.980 Quadratmeter Nutzflechi böue wore. D Böucheschte sin bi dr Gnähmigung 2002 uf 7,5 Millione Euro decklet wore. Fir d Innenuusstattig het mer dr Hochschuel nomol e Million Euro gee.[5] Böuherr isch s Land Bade-Wirttebärg gsii. D Blanig un d Durfierig het s Architäkturbiro Glück un Partner vu Stuegert gmacht.[6] Am 8. April 2009 isch dr Neiböu in ere Fyr dur dr Minischterbresidänt Günther Oettinger fir d Fakultet Life Science ibergee wore.[7]
Im Rame vu „Chunscht am Böu“ het s in un am Hochschuelneiböu z Semmerenga verschideni Chunschtobjäkt, dodrunter zwai Bilder vum Chinschtler Johannes Rave („Ohne Titel“, 1993), zwai Bilder vu dr Chinschtleri Barbara Ehrmann („Gedankenmaschine I“ un „Gedankenmaschine II“, 1993), d Collage „Studie zu einem Konzept“ (1994), fimf Radierige vum Wolfram Ullrich („Islands“, 1992) un zwoo Blaschtike vum Romain Fink („Zwei Gitter (Rot + Grün)“, 1994).
Studienaagebot
[ändere | Quälltäxt bearbeite]D Schwärpinkt vu dr Fachhochschuel ligen uf vier Biet:
- Fakultet Engineering z Albstadt
- Fakultet Business Science and Management z Semmerenga
- Fakultet Life Sciences z Semmerenga
- Fakultet Informatik z Albstadt
D Hochschuel Albstadt-Semmerenga bietet näbe Bachelor- un Masterstudiegäng au ne kooperativi Promozion mit uusgwehlte Uniwersiteten aa.[8]
Bachelorstudiegäng
[ändere | Quälltäxt bearbeite]Fakultet Engineering
- Täxtil- un Chlaidertächnology (TEX), Campus Albstadt
- Maschineböu (MAB), Campus Albstadt
- Digital Technology and Consulting (DTC), Campus Albstadt
- Sustainable Engineering – Noohaltigi Produkt un Prozäss (STE), Campus Albstadt
- Wärchstoff- un Prozässtächnik (WPT), Campus Albstadt
- Wirtschaftsingenieurwäse (WIW), Campus Albstadt
Fakultet Business Science and Management
- Bedribswirtschaft (BWL), Campus Semmerenga
- Energywirtschaft un Management (EWM), Campus Semmerenga
Fakultet Life Sciences
- Pharmatächnik (PHT), Campus Semmerenga
- Läbesmittel, Ernehrig, Hygiene (LEH), Campus Semmerenga
- Smart Building Engineering and Management, Campus Semmerenga
- Bioanalytik (BIA), Campus Semmerenga
Fakultet Informatik
- Tächnischi Informatik (TI), Campus Albstadt
- IT Security (ITS), Campus Albstadt
- Wirtschaftsinformatik (WIN), Campus Albstadt
Masterstudiegäng
[ändere | Quälltäxt bearbeite]Fakultet Engineering
- Maschinebäu – Rächnerunterstitzti Produkterstellig (MAM), Campus Albstadt
- Wirtschaftsingenieurwäse – Digital Production Management (DPM), Campus Albstadt
- Täxtil- un Chlaidermanagement (TBM), Campus Albstadt
- Wirtschaftsingenieurwäse (As Schwärpinkt cha mer verschideni Verdiefigsrichtige wehle: Digital Production Management, Data Engineering & Consulting un Zuesatzzertifikat, wu fir dr Beruef qualifiziere), Campus Albstadt
Fakultet Business Science and Management
- Bedribswirtschaft un Management (BWM), Campus Semmerenga
- IT Governance Risk and Compliance Management (IT-GRC), Master-Studiegang näb em Beruef (online)
Fakultet Life Sciences
- Biomedical Sciences (BMS), Campus Semmerenga
- Facility and Process Design (FPD), Campus Semmerenga
Fakultet Informatik
- Digitali Forensik (DF), Master-Studiegang näb em Beruef (online), Campus Albstadt in Kooperazion mit dr Friedrich-Alexander-Uniwersitet Erlangen-Nürnberg un dr Ludwig-Maximilians-Uniwersitet München
- Data Science (DS), Master-Studiegang näb em Beruef (online), Campus Albstadt in Kooperazion mit dr Uniwersitet Mannem und der Eberhard Karls Uniwersitet Dibenga
- Systems Engineering (SE), Campus Albstadt
- Business and Security Analytics (BA), Campus Albstadt
Aagwändti Forschig
[ändere | Quälltäxt bearbeite]S Inschtitut fir Aagwändti Forschig (IAF) isch an dr Hochschuel Albstadt-Semmerenga di zäntral Koordinierigsstell vu dr Hochschuelforschig. S ferdert di teamorientiert Zämenarbet un d Forschig in dr drei Forschigsschwärpinkt vu dr Hochschuel:
- DITI – Digitalisierig, IT-Security, Induschtry 4.0
- GEB – Gsundhait, Ernehrig, Biomedizin
- NESP – Noohaltigi Entwicklig – Smarti Materialie un Produkt
S IAF soll di vorhandene Forschigskumpetänze intärn un au no usse vermittle. S ferderet e Zämenarbet mit dr regionale Wirtschaft – innovativi Idee chenne eso diräkt in Produkt umgsetzt wäre. Sibe Fachinschtitut bindle d Expertis vu dr Hochschuelforscher*ne in thematische Schwärpinkt – die sin unter em Dach vum IAF organisiert. In dr Inschtitut wäre d Forschigsprojäkt un Kooperazione mit Unternäme organisiert:
- FIW – Fachinschtitut fir Ingenieur- un Wirtschaftswisseschafte
- InViTe – Inschtitut fir in vitro Teschtsischtem
- KEIM – Inschtitut fir Knowledge Engineering and Information Management
- IES – Inschtitut fir Ächtzytsischtem un Softwaretächnik
- IRGP – Inschtitut fir Rächnergstitzti Produkterstellig
- IT-GRC – Inschtitut fir Governance, Risk and Compliance
- SPI – Sustainable Packaging Institute
Uusgläseni Partnerhochschuele
[ändere | Quälltäxt bearbeite]D Hochschuel Albstadt-Semmerenga het Uusduschveryybarige mit Partnerhochschuele wältwyt, unter anderem mit däne:
- Ingeniería y Arquitectura La Salle, Barcelona, Spanie
- Swinburne University of Technology, Melbourne, Auschtralie
- Universität Montpellier, Montpellier, Frankrych
- Universität Tampere, Tampere, Finnland
- Corvinus-Universität Budapest, Budapest, Ungarn
- Korea University, Seoul, Sidkorea
- Multimedia University, Malakka, Malaysia
- Tecnológico de Monterrey, Monterrey, Mexiko
- University of Glamorgan, Trefforest, Verainigts Chenigrych
- University of East London, London, Verainigts Chenigrych
- North Carolina State University, Raleigh, Verainigti Staate vu Amerika
- Cape Peninsula University of Technology, Bellville, Sidafrika
Weblink
[ändere | Quälltäxt bearbeite]![](https://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
Fueßnote
[ändere | Quälltäxt bearbeite]- ↑ Statistische Berichte Baden-Württemberg, Statistisches Landesamt Baden-Württemberg, Artikel-Nr. 3234 17001 B III 1 – j/17, Unterricht und Bildung vom 3. August 2017
- ↑ Die Hochschule Albstadt-Sigmaringen feiert in diesem Jahr ihr 50-jähriges Bestehen, Zollernalbkurtier, 27. Jänner 2021
- ↑ Lutz Ringwelski: Hochschule. 20 Jahre Pharmatechnik sind eine Erfolgsgeschichte. In: Schwäbische Zeitung. 2. Januar 2007.
- ↑ Neue Rektorin begrüßt 729 Erstsemester (Memento vom 28. Mai 2013 im Internet Archive) uf www.fh-albsig-de, 2. Oktober 2012
- ↑ 5,0 5,1 Fachhochschule. Das lange Warten hat sich gelohnt. In: Schwäbische Zeitung. 14. Januar 2009.
- ↑ Kurt Loescher: Neubau der Fachhochschule Sigmaringen-Albstadt fertig – Ministerpräsident Oettinger übergibt Haus. Traum vom neuen Gebäude erfüllt. In: Südkurier. 9. April 2009.
- ↑ Vera Romeu: Hochschule Sigmaringen-Albstadt. Neubau ist Investition in die Zukunft. In: Schwäbische Zeitung. 9. April 2009.
- ↑ Promotion an der Hochschule Albstadt-Sigmaringen uf hs-albsig.de, 23. Merz 2021
Staatligi Universitete |
Friburg • Haidelberch • Haalbrunn • Hoohoem • Kallsruh • Konschtanz • Mannem • Stuegert • Dibenga • Ulm |
|
Privati Universitete |
Friedrichshafe | |
Pedagogischi Hochschuele |
Friburg • Haidelberch • Kallsruh • Ludigburg • Gmend • Waegaade | |
Chunschthochschuele (inkl. Musikhochschuele) |
Friburg • Haidelberch • Kallsruh (Musik, Bildendi Chinscht, Gstaltig) • Ludisburg (Filmakademi, Darstellendi Chunscht) • Mannem (Musik un Darstellendi Chunscht, Popakademi) • Rauteburg • Gmend • Stuegert (Musik un Darstellendi Chunscht, Bildendi Chinscht) • Drossenga • Dibenga | |
Staatligi (Fach-)Hochschuele |
Albstadt-Semmerenga • Bibra • Esslenga • Furtwange • Haalbrunn • Kallsruh • Kähl • Konschtanz • Ludisburg • Mannem (HS, HdBA) • Nirtenga-Geislenga • Offeburg • Oole • Pforze • Raveschburg-Waegaade • Reitlenga • Rauteburg • Schwetzinge • Stuegert (HfT, HdM) • Ulm • Villinge-Schwenninge | |
Chilchligi un Privati (Fach-)Hochschuele |
Calb • Friburg (EH, HKDM, KH) • Hailbrunn • Haidelberch (Fresenius, SRH, HfJS) • Isny • Kallsruh • Konschtanz • Liabazell • Ludisburg • Mannem • Reitlenga • Riedlenga • Stuegert (AKAD, Freii HS, media, Merz, VWA, HfK+G, Macromedia) | |
Duali Hochschule Bade-Wirttebärg |
Haalbrunn • Hoedna • Kallsruh • Löörech • Mannem • Mosbach • Raveschburg • Stuegert • Villinge-Schwenninge |
![]() |
Dä Artikel basiert uff ere fräie Übersetzig vu dere Version vum Artikel „Hochschule_Albstadt-Sigmaringen“ vu de dütsche Wikipedia. E Liste vu de Autore un Versione isch do z finde. |
Text is available under the CC BY-SA 4.0 license; additional terms may apply.
Images, videos and audio are available under their respective licenses.