Höhrone
| Höhrone | ||
|---|---|---|
 e Flugufnahm us em Johr 1926 vom Walter Mittelholzer | ||
| Hechi | 1'229 m ü. M. | |
| Lag | Kanton Schwyz, Kanton Zug und Züri | |
| Gebirg | Jura | |
| Geografischi Lag | 693797 / 223934 | |
| ||
| Dialäkt: Züridütsch (See) |
De Höhrone isch en Berg mit ere Höchi vo über 1'000 m ü.M. im Kanton Schwyz, en Teil devoo isch au uf Bode vom Kanton Zug und Züri. Er liit zwüsched Biberbrugg und Hütte, am Nordrand vom ene uusdehnte Hochmoor und südlig vo de Sihl. Di nächschte andere Berge sind dr Etzel, dr Gottschalkeberg und dr Rossberg.
Sendeturm
Endi vo de 1980er-Jahre hät die damaligi Telecom (Vorgängeri vo de Swisscom) de Bedarf ghaa, uf em Höhrone en 45 Meter höche Sendeturm z baue. A dem Turm sind Richtfunk-Antenne befeschtiget gsii, wo i verschideni Richtige Funk-, Radio- und TV-Signal gsändet händ. Mit der laufend besser werdende Technik isch der 1'100 Tonne schweri Turm scho bald nümme bruucht worde und nach langen hin und her isch er schlussendlich am 10. November 2004 mit 13 Kilogramm Schprängschtoff gschprängt worde. Wemme jetzt de Höhrone aalueget, gseeht mer wider die natürliche Bergsiluette.
Wasser
D Korporation vo Wollerau bezieht en Teil vo ihrem Wasser, wo si dr Bevölkerig verchauft us em Gebiet vom Höhrohne. Deet nutzed si 5 Quelle, wo s Frischwasser lifered.
Weblink
Commons: Höhronen – Sammlig vo MultimediadateieText is available under the CC BY-SA 4.0 license; additional terms may apply.
Images, videos and audio are available under their respective licenses.
