Dr Kugelhopf ìsch a Küecha wo's ìm Elsàss, ìm Süda vu Ditschlànd, ìn dr Schwitz, ìn Eeschtrich un ìn Tschechie gìtt.

„Kugelhopf“ ìsch dr Nàmma uf Elsassisch. Ìn Ditschlànd, Schwitz un Eeschtrich sajt ma „Gugelhopf“ oder „Gugelhupf“. Ìm Rascht vum Frànkrich, wo kè germànischer Dialekt gsprocha wìrd, sajt ma „kouglof“. Ma vermüetet àss da Nàmma üssem mìttelhochditscha gugel(e) „Kapuze“ und dàs üss em Làtinische cuculla kummt.

Dr Kugelhopf hàt a sehr typischa Furm: s gliicht ungfahr àn ma Turban. Z Ràppschwihr gìtts a Legand wo verzehlt àss d drèi Keeniga, wo sa vu Betlehem zruck kumma sìn, dr erscht Kugelhopf bàcha hann fer na ìm Mànn schanka, wo sa güet empfànga ghàà hàt. Àls Hüet han sa Turban trajt, vu do kam dia Furm har.

Da Küecha ìsch üss Hewateig gmàcht, ìnnawandig sìn Meertriiwala un ìm ewra Teil lìega Màndla. Vìelmol wìrd dr Kugelhopf noch mìt Glàssiarzucker bestreit.

Dàto ìm Elsàss ìsch dr Kugelhopfmodel tràditionnel üss Ton, àwer s gìtt àui Model üss Kupfer.

Kugelhopfrezapta gìtts zitter'm 17. Johrhundert. Schiints hèig d Keenigin Marie-Antoinette da Küecha vu Eeschtrich nooch Frànkrìch brocht, àwer s ìsch vìllìcht a Legand.

Ìn àlta Kochbiacher steht àss es làng kè gnàui Rezapt fer da Küecha gaa hàt.

Àm Europatàg 2006 hàt Eeschtrich dr Kugelhopf àls Symbol gnumma, ìm Café Europe.

• Ìn dr jeedischa Koscht gìtt's d „Kugel“. Dàs hàt dr àmerikànischa Bundt cake gaa.

• 
  Küecha üss Europa Zentrum
• 
  Tschechier „Bábovka“ mìt Kakao Fìllung

 Commons: Kugelhopf – Sammlig vo Multimediadateie

• Hefegugelhopf i de Datebank vom Kulinarische Erb vo de Schwiz
• Gugelhupf Iitrag Nr. 165 im Register vo de Tradizionelle Läbesmittel vom öschtriichische Läbesministerium.
• Iidrag über Gugelhupf in: Austria-Forum, em öschteriichische Wissensnetz – online  (im Heimatlexikon)