Dr Fuessbilz isch e Bilzinfekzioon vo de Füess dur Faadebilz (Dermatophyte), bsundrigs zwüsche de Zeeche (Tinea pedis interdigitalis, Interdigitalmykose) und Fuesssoole (Tinea pedis, au Tinea pedum).

Dr Fuessbilz wird vo Faadebilz (Dermatophyte) verursacht, wo Hornmaterial (Neegel, Hoor) befalle und sich hauptsächlig zwüsche de Zeeche aasidle. Mäistens si Trichophyton rubrum, Trichophyton mentagrophytes var. interdigitale oder Epidermophyton floccosum d Uslööser.^[1] Persoone mit Diabetes mellitus oder Durbluetigsstöörige häi e hööchers Risiko für Fuessbilz oder Naagelbilz.

Äigentlig isch dr Erreeger vom Fuessbilz für e Mensch ungföörlig. Wenn aber e Befall nid behandlet wird, cha die natürligi Abweer vo dr Hut so wit gschwecht wärde, ass es zun ere Streptokokkeninfekzioon chunnt, wo sich dur e Wundrose bemerkbar macht. Das isch denn aber e schweeri Hutinfekzioon, wo mänggisch vo hoochem Fieber begläitet wird und stationär behandlet wärde muess. Dr Fuessbilz macht au d Infekzioon mit eme Naagelbilz äifacher, wenn s zur Zit vo dr Chrankhet am Fuess an de Zeecheneegel Riss oder offnigi Stelle het.

• Peter Altmeyer, Martina Bacharach-Buhles: Enzyklopädie der Dermatologie, Venerologie, Allergologie, Umweltmedizin. Band 2: M – Z. 2., vollständig überarbeitete Auflage, Springer, Berlin/ Heidelberg 2010, ISBN 978-3-540-89543-5, Kapitel: Tinea pedum. (online).

 Commons: Athlete's foot – Sammlig vo Multimediadateie

1. ↑ Irene Weitzman, Richard S. Summerbell: Dermatophytes. In: Clinical Microbiology Revies. (Clin. Microbiol. Rev.) Nr. 8, April 1995, S. 240–259. ((PdF)).

Bitte tue de Hiwiis zu Gsundheitsthemene biachte!