Bundesratswahlen 2011
D Bundesrotswahle 2011 sind d Gsamternoierigswahle vom Schwiizer Bundesrot gsi, wo am 14. Däzember 2011 schtattgfunde hei. Mit Usnahm vo de Micheline Calmy-Rey, wo nöd wider aaträte-n-isch, hei alli amtiirende Bundesröt wider kandidiirt und sind au gwählt worde. Noi in de Bundesrot cho isch de Alain Berset.
Usgangslag
[ändere | Quälltäxt bearbeite]D SVP het scho sit em Usschluss vo de Bündner SVP im 2008 dütlich gsait, dass sie ihre durch de Parteiusschluss vo de Eveline Widmer-Schlumpf verlorene Sitz wot zruck ha. Durch d Sitzverlüscht vo de SVP und de FDP bi de eidgnössische Wahle und Ufgrund vo verschidne Interpretatione vo de Konkordanz, hei die Mitteparteie CVP, glp, BDP und EVP den Aaspruch nöd aaerkannt. Ei diskutiirti Variante isch au d Wahl vo eme SVP-Verträter uf Choschte vo de FDP gsi, wo d SVP aber nöd het welle druf iigoh.
Erscht am 1. Däzember 2011 het d SVP bekannt gäh, mit wellne Kandidate si de Sitz vo de Eveline Widmer-Schlumpf wot "aagriffe" und het de Bruno Zuppiger und de Jean-Francois Rime vorgschlage. Wäge em Wältwuche-Artikel, wo im Zuppiger vorgworfe het, er heigi es Erb versuecht z untreschlah, het er uf sini Kandidatur verzichtet und d SVP het dafür de Hansjörg Walter nominiert. De Walter het im Vorfeld betont, er wär numme bereit für de Sitz vo de Eveline Widmer-Schlumpf zur Verfüegig stoh.
Wahle
[ändere | Quälltäxt bearbeite]D Wahle hei, wie es üblich isch, nach em Ancienitätsprinzip schtatt gfunde. Des heisst es wird in de Reihefolg vom Amtswalter vo de amtiirende und wider aaträtende Bundesröt gwählt.
1. Wahl (Sitz vo de Doris Leuthard, CVP)
[ändere | Quälltäxt bearbeite]![](https://upload.wikimedia.org/wikipedia/commons/thumb/3/37/Doris_Leuthard_2011.jpg/150px-Doris_Leuthard_2011.jpg)
1. Wahlgang | |
---|---|
usteilti Wahlzettel | 245 |
iiggangeni Wahlzettel | 245 |
leer/ungültig | 17/1 |
gültig Total | 227 |
absoluts Mehr | 114 |
Doris Leuthard | 216 |
Verschieden | 11 |
2. Wahl (Sitz vo de Eveline Widmer-Schlumpf, BDP)
[ändere | Quälltäxt bearbeite]![](https://upload.wikimedia.org/wikipedia/commons/thumb/8/89/Eveline_Widmer-Schlumpf_2011.jpg/150px-Eveline_Widmer-Schlumpf_2011.jpg)
D SVP het vor dere Wahl aakündt, dass si de Sitz vo de BDP wird aagriife und het bi de Wahl de Jean-François Rime und de Hansjörg Walter als Kandidate vorgschlage.
1. Wahlgang | |
---|---|
usteilti Wahlzettel | 245 |
iiggangeni Wahlzettel | 245 |
leer/ungültig | 5/1 |
gültig Total | 239 |
absoluts Mehr | 120 |
Eveline Widmer-Schlumpf | 131 |
Hansjörg Walter | 63 |
Jean-François Rime | 41 |
Verschiedeni | 4 |
3. Wahl (Sitz vom Ueli Maurer, SVP)
[ändere | Quälltäxt bearbeite]![](https://upload.wikimedia.org/wikipedia/commons/thumb/1/19/Ueli_Maurer_2011.jpg/150px-Ueli_Maurer_2011.jpg)
1. Wahlgang | |
---|---|
usteilti Wahlzettel | 245 |
igangeni Wahlzettel | 245 |
leer/ungültig | 16/3 |
gültig Total | 226 |
absoluts Mehr | 114 |
Ueli Maurer | 159 |
Hansjörg Walter | 41 |
Luc Recordon | 13 |
Verschiedeni | 13 |
4. Wahl (Sitz vom Didier Burkhalter, FDP)
[ändere | Quälltäxt bearbeite]![](https://upload.wikimedia.org/wikipedia/commons/thumb/9/9e/Didier_Burkhalter_2011.jpg/150px-Didier_Burkhalter_2011.jpg)
1. Wahlgang | |
---|---|
usteilti Wahlzettel | 245 |
iigangeni Wahlzettel | 245 |
leer/ungültig | 12/1 |
gültig Total | 232 |
absoluts Mehr | 117 |
Didier Burkhalter | 194 |
Jean-François Rime | 24 |
Verschiedeni | 14 |
5. Wahl (Sitz vo de Simonetta Sommaruga, SP)
[ändere | Quälltäxt bearbeite]![](https://upload.wikimedia.org/wikipedia/commons/thumb/d/d7/Simonetta_Sommaruga_2011.jpg/150px-Simonetta_Sommaruga_2011.jpg)
Vor dere Wahl het de Fraktionspräsident vo de SVP, de Caspar Baader, aakündt, dass de Jean-François Rime ab jetzt bi jedere Wahl dät kandidiire, wil alli andere Parteie willentlich d Konkordanz broche heige und d SVP sich us dem Grund au nümm an d Konkordanz gebunde fühli.
1. Wahlgang | |
---|---|
usteilti Wahlzettel | 245 |
igangeni Wahlzettel | 245 |
leer/ungültig | 3/0 |
gültig Total | 242 |
absoluts Mehr | 122 |
Simonetta Sommaruga | 179 |
Jean-François Rime | 61 |
Verschiedeni | 2 |
6. Wahl (Sitz vom Johann Schneider-Ammann, FDP)
[ändere | Quälltäxt bearbeite]![](https://upload.wikimedia.org/wikipedia/commons/thumb/a/a6/Johann_Schneider-Ammann_2011.jpg/150px-Johann_Schneider-Ammann_2011.jpg)
1. Wahlgang | |
---|---|
usteilti Wahlzettel | 245 |
igangeni Wahlzettel | 245 |
leer/ungültig | 9/2 |
gültig Total | 234 |
absoluts Mehr | 118 |
Johann Schneider-Ammann | 159 |
Jean-François Rime | 64 |
Verschiedeni | 11 |
7. Wahl (Ersatzwahl vo de Micheline Calmy-Rey, SP)
[ändere | Quälltäxt bearbeite]![](https://upload.wikimedia.org/wikipedia/commons/thumb/c/c8/Alain_Berset%2C_St%C3%A4nderatspr%C3%A4sident_2009.jpg/150px-Alain_Berset%2C_St%C3%A4nderatspr%C3%A4sident_2009.jpg)
Wil d Micheline Calmy-Rey nüm aaträte-n-isch, het di Wahl am Schluss schtattgfunde. D Calmy-Rey het scho am 7. September 2011 mitteilt gha, dass si nüm für e noii Amtsperiode wird kandidiire. D SP-Fraktion hetde im Fryburgsche wohnhafti Waadtländer Schtaatsrot Pierre-Yves Maillard und de Fryburger Ständerot Alain Berset für d Nochfolg Calmy-Rey vorgschlage und wi scho ober erwähnt, het au de Fryburger SVP-Politiker Rime kandidiirt.
1. Wahlgang | 2. Wahlgang | |
---|---|---|
usteilti Wahlzettel | 245 | 245 |
iigangeni Wahlzettel | 243 | 245 |
leer/ungültig | 0/0 | 0/0 |
gültig Total | 243 | 245 |
absoluts Mehr | 122 | 123 |
Alain Berset | 114 | 126 |
Pierre-Yves Maillard | 59 | 63 |
Jean-François Rime | 59 | 54 |
Marina Carobbio | 10 | – |
Verschiedeni | 1 | 2 |
Text is available under the CC BY-SA 4.0 license; additional terms may apply.
Images, videos and audio are available under their respective licenses.