Bergün Filisur
| Bergün Filisur | |
|---|---|
 | |
| Basisdate | |
| Staat: | Schwiiz |
| Kanton: | Graubünde (GR) |
| Region: | Albula |
| BFS-Nr.: | 3544 |
| Poschtleitzahl: | 7477 Filisur 7482 Bergün/Bravuogn |
| Koordinate: | 774498 / 169225 |
| Flächi: | 190,14 km² |
| Iiwohner: | 884 (31. Dezämber 2022)[1] |
| Website: | www.berguenfilisur.ch |
 Filisur, Tal uswärts | |
| Charte | |
 | |
Bergün Filisur isch de Name von ere Fusionsgmaind im Kanton Graubünde i de Schwiz. Di neu Gmaind isch uf de 1. Jänner 2018 us de politische Gmainde Bergün/Bravuogn und Filisur entstande.[2]
Gschicht
[ändere | Quälltäxt bearbeite]A de Gmaindsversammlige vom 9. April 2014 z Bergün/Bravuogn und z Filisur isch d Grundsatzfrog von ere mögliche Fusion vo de beedne Gmainde erstmols traktandiert worde.[3] Z Bergün hät me de Verhandligsufnahm zuegstimmt, d Bevölkerig vo Filisur aber bschlüüsst, de Gmaindsvorstand mües zerscht bi de Gmaind Schmitte aafroge.[4] Wil aber Schmitte es Johr vorher i me Grundsatzentschaid sich gegen e Fusion mit de Gmainde im vordere Albulatal entschide hät, isch z Filisur a de Gmaindsversammlig vom Früelig 2015 d Uufnahm vo Verhandlige mit Bergün guetghaisse worde.[5]
Im Amtliche Gmaindsverzaichnis vo de Schwiz isch i de Uusgob vom März 2016 aakündt worde, as uf Aafangs 2017 us Bergün und Filisur e neui Gmaind söll wärda (damals no «Bergün-Filisur» gschribe).[6] A de Sitzig vom 10. Mai 2016 bschlüüsst d Regierig vom Kanton Graubünde en Förderbiitrag för di neu Gmaind im obere Albulatal i de Höchi vo 8,615 Million Franke.[7]
I de zwaite Fusionsbroschüre, wo im Juni 2016 vo de Fusionsarbetsgruppe veröffentlicht worden isch, werd vorgschlage, as de Name vo de neue Gmaind «Bergün Filisur» sii und s Wappe vom ehemolige Chrais öbernee wärde söll.[8]
Geografii
[ändere | Quälltäxt bearbeite]D Gmaind Bergün Filisur liit im oberen Albulatal und zum Gebiet vo de Gmaind ghöred d Dörfer Filisur (1'032 m ü. M.) und Bergün/Bravuogn (1'367 m), die beede Fraktione Stugl und Latsch wie au die beede Wiiler Preda (mitsamt de Maiesäss Naz) und Chants (1'822 m). D Gmaind hät dodemit e Flächi vo 190,14 km² und zellt knapp tuusig Iiwohner.
Weblink
[ändere | Quälltäxt bearbeite]
Commons: Bergün Filisur – Sammlig vo Multimediadateie- d Website vo de Gmaind Bergün Filisur
- Fusionsprojekt mit Gemeinde Filisur uf de Website vo de ehmolige Gmaind Bergün/Bravuogn (gemeinde-berguen.ch)
Fuessnoote
[ändere | Quälltäxt bearbeite]- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ Amtliches Gemeindeverzeichnis der Schweiz. Aakündigti Änderige 2017, Uusgob vom 15. Juni 2017
- ↑ Fusion: Bergün und Filisur stellen Grundsatzfrage Artikel bi suedostschweiz.ch vom 20. März 2014
- ↑ Fusion: Filisur will zuerst Schmitten kontaktieren Artikel bi suedostschweiz.ch vom 10. April 2014
- ↑ Fusionsinfo#1 uf gemeinde-berguen.ch vom April 2016
- ↑ Amtliches Gemeindeverzeichnis der Schweiz. Aakündigti Änderige 2016, Uusgob vom 23. März 2016
- ↑ Zusammenschluss der Gemeinden Bergün/Bravuogn und Filisur: Kantonale Förderung Bschluss vo de Regierig vom Kanton Graubünde vom 10. Mai 2016, uf filisur.ch, abgruefen am 1. Januar 2017
- ↑ Fusionsinfo#2 uf gemeinde-berguen.ch vom Juni 2016
Text is available under the CC BY-SA 4.0 license; additional terms may apply.
Images, videos and audio are available under their respective licenses.
