Yarlung Tsangpo Canyon
Die Yarlung Zangbo Canyon is 'n canyon langs die Yarlung Zangbo-rivier in Tibet, China. Dit word deur sommige as die diepste canyon ter wêreld beskou. Dit is ook effens langer as die Grand Canyon in die Verenigde State van Amerika, wat dit een van die grootste canyons ter wêreld maak.[1]
Die Yarlung Tsangpo-rivier, die Tibettaanse naam vir die boloop van die Brahmaputra, ontspring naby die berg Kailash. Dit vloei ooswaarts vir ten minste 1700 km en dreineer die noordelike gedeelte van die Himalajagebergte voordat dit die canyon naby Pei invloei.
Die canyon, met 'n lengte van omtrent 240 km (150 myl), buig om die berg Namcha Barwa (7782 m) en sny sy pad deur die oostelike Himalaja-reeks. Die water val van 'n hoogte van omtrent 2900 m naby Pei tot ongeveer 1500 m aan die einde van die kloof, waar die Po Tsangpo-rivier daarby aansluit.
Die rivier vloei vervolgens deur die laer kloof na die Indiese grens op 'n hoogte van 660 m. Dit vloei dan deur Arunachal Pradesh ('n deelstaat van Indië) voordat dit uiteindelik die Brahmaputra-rivier word.[2][3]
Verwysings
[wysig | wysig bron]- ↑ http://www.kepu.net.cn/english/canyon/hiking/hik301.html
- ↑ Yang Qinye and Zheng Du. Tibetan Geography. China Intercontinental Press. pp. 30–31. ISBN 7-5085-0665-0.
- ↑ Zheng Du, Zhang Qingsong, Wu Shaohong: Mountain Geoecology and Sustainable Development of the Tibetan Plateau (Kluwer 2000), ISBN 0-7923-6688-3, p. 312;
Text is available under the CC BY-SA 4.0 license; additional terms may apply.
Images, videos and audio are available under their respective licenses.
