Umberto I van Italië
Umberto I | |
---|---|
Koning van Italië | |
![]() Humbertus die Goeie
| |
Vorstehuis | Savoje |
Regeer | 9 Januarie 1878 – 29 Julie 1900 |
Kroning | 9 Januarie 1878 |
Voorganger | Victor Emmanuel II |
Opvolger | Victor Emmanuel III |
Volle naam | Umberto Ranieri Carlo Emanuele Giovanni Maria Ferdinando Eugenio di Savoia |
Gebore | 14 Maart 1844; Turyn, Koninkryk van Sardinië (tans Italië) |
Oorlede | 29 Julie 1900; Koninkryk van Italië (tans Italië) |
Begrawe | 9 Augustus 1900; Pantheon, Rome |
Eggenoot | Margaretha |
Kinders | Victor Emmanuel III |
Vader | Victor Emmanuel II |
Moeder | Adelaide van Oostenryk |
Handtekening | ![]() |
Umberto I of Humbert I (Italiaans: Umberto Ranieri Carlo Emanuele Giovanni Maria Ferdinando Eugenio di Savoia) - gebore 14 Maart 1844 - was die koning van Italië van 9 Januarie 1878 tot sy dood op 29 Julie 1900. Sy bynaam was die Goeie. Hy is in linkse kringe gehaat, omdat hy konserwatief was en die "Bloedbad van Bava-Beccaris" in Milaan gesteun het. Hy word twee jaar na die insident deur die anargis Gaetano Bresci vermoor.
Jeug
[wysig | wysig bron]Umberto se opleiding is aan die wyste manne van sy tyd toevertrou, onder andere aan Massimo Taparelli markies d'Azeglio en Pasquale Stanislao Mancini. In 1858 sluit hy as kaptein by die weermag aan. Hy neem aan die Slag by Solferino in 1859 deel en lei in 1866 'n afdeling in die Slag by Custoza. Toe hy deur die Oostenrykse kavallerie by Villafranca aangeval is, laat hy sy troepe vierkante vorm en dryf die aanvallers na Sommacampagna terug. Hy bevind homself by die troepe wat die meeste aangeval is. Hy dek die terugtrekkende Italiaanse leër saam met Nino Bixio en ontvang 'n goue medalje vir die moed wat hy aan die dag gelê het.
Koningskap
[wysig | wysig bron]Umberto volg sy vader na sy dood op 9 Januarie 1878 op en noem homself Umberto I van Italië (en nie Umberto IV van Savoye, soos hy eintlik moes heet nie). Met sy toestemming word sy pa, Victor Emanuel II in die Panteon in Rome begrawe en nie in die koninklike mausoleum in Superga nie.
Hy is op 29 Julie 1900 deur Gaetano Bresci vermoor en is in die Pantheon langs sy vader begrawe. Hy word deur sy seun, Victor Emanuel III, opgevolg. Die opknapping van die Castello Sforzesco in 1905 is as eerbetoon aan hom opgedra.
Fotogalery
[wysig | wysig bron]-
Sy vrou, koningin Margaretha
-
Umberto I op 'n perd, soos by die Castello Sforzesco uitgebeeld
-
Die graf van Umberto I in die Panteon te Rome
Eksterne skakels
[wysig | wysig bron]Wikimedia Commons het meer media in die kategorie Umberto I van Italië.
Text is available under the CC BY-SA 4.0 license; additional terms may apply.
Images, videos and audio are available under their respective licenses.