'n Tragedie of treurspel is volgens die algemene gebruik van die woord 'n toneelstuk, rolprent of 'n werklike gebeurtenis met 'n droewige resultaat. Deur die jare heen is die term "tragedie" meer presies gedefinieer deur Westerse denkers, volgens die riglyne van Aristoteles wat op die Griekse tragedies gebaseer is: 'n vorm van drama gekenmerk deur erns en waardigheid, wat 'n opsienbare persoon behels, wie se vernedering die gevolg van 'n gebrek aan karakter is, of die konflik met 'n hoër mag soos die wet, die gode, die noodlot of die samelewing. Aristoteles se vereistes vir 'n tragedie was slegs die ommekeer van iemand se lot van goed na sleg (soos in Oidipus), of van sleg na goed (soos in Eumenides).

Hierdie artikel is ’n saadjie. Voel vry om Wikipedia te help deur dit uit te brei.