Suurchloried
![](https://upload.wikimedia.org/wikipedia/commons/thumb/4/46/Acylhalogenide_algemeen.png/150px-Acylhalogenide_algemeen.png)
'n Suurchloried of asielchloried is 'n organiese chemiese verbinding wat die funksionele groep -(C=O)Cl bevat. Hulle maak deel uit van die suurhaliede -(C=O)X, waar X=F, Cl, Br of I. Hierdie funksionele groep ontstaan wanneer die -OH groep van 'n karboksielsuurgroep met 'n chlooratoom vervang word.
Suurchloriede is taamlik reaktiewe en vlugtige verbindings wat 'n laer kookpunt besit as die ooreenkomstige suur, omrede die -OH-groep in die sure waterstofbindings kan vorm wat by die suurchloriede nie moontlik is nie. Met water ontbind suurchloriede en stel daarmee soutsuur en die karboksielsuur vry volgens die reaksie:
Dit maak hulle traanverwekkende stowwe wat versigtig behandel moet word. 'n Suurchloried soos fosgeen is selfs in die Eerste Wêreldoorlog as chemiese wapen gebruik.
Vervaardiging
[wysig | wysig bron]Die vervaardiging behels 'n reaksie van die karboksielsuur en tionielchloried SOCl2 wat self die suurchloried van swaweligsuur (H2SO3) is.
![](https://upload.wikimedia.org/wikipedia/commons/thumb/7/79/Synthese_zuurchloride.gif/550px-Synthese_zuurchloride.gif)
Text is available under the CC BY-SA 4.0 license; additional terms may apply.
Images, videos and audio are available under their respective licenses.