Skaakmat
![](https://upload.wikimedia.org/wikipedia/commons/thumb/c/c4/CheckmateProper.jpg/250px-CheckmateProper.jpg)
Skaakmat (baie keer afgekort na mat) is die doel van skaak (en ander bordspele van die sjatoerangafamilie) en word bereik wanneer die teenstander se koning aangeval word en vasgekeer op so 'n wyse dat die koning op geen wettige wyse uit die aanval kan ontsnap nie. Die speler wie se koning in skaakmat is verloor die spel sodra hy of sy in skaakmat is. In praktyk gee meeste spelers oor as dit duidelik is dat skaakmat nie vermy kan word nie.
As 'n koning aangeval word maar die aanval afgeweer kan word is die koning in skaak maar nie in skaakmat nie. As 'n speler nie in skaak is nie maar geen wettige skuiwe kan uitvoer nie (dit wil sê enige moontlike skuif sou die koning in skaak plaas) is die resultaat pat en eindig die skaakspel gelykop (in ander spelle verloor die speler wat in pat is).
'n Skuif wat die teenstander in skaakmat plaas word in algebraïese notasie met die kardinaalteken (#) aangedui – byvoorbeeld, 34.Dh8# of deur "++". (Die simbool "++" word egter ook soms gebruik om dubbele skaak aan te dui.)
Eksterne skakels
[wysig | wysig bron]Wikiwoordeboek het 'n inskrywing vir skaakmat.
Text is available under the CC BY-SA 4.0 license; additional terms may apply.
Images, videos and audio are available under their respective licenses.