Royal Society
The Royal Society of London for Improving Natural Knowledge is algemeen bekend as die Royal Society. Dit is die oudste wetenskapakademie ter wêreld wat op 28 November 1660 deur, onder andere, Christopher Wren, Robert Boyle en John Wilkins gestig is.[1] In 1665 is die wetenskaptydskrif Philosophical Transactions in die lewe geroep en in 1731 is die Copley Medal vir die eerste keer toegeken.
Die Royal Society het ongeveer 1450 lede (Fellows genoem) en 140 buitelandse lede. Nuwe lede word deur die huidige lede vanuit die Britse Statebond en Ierland gekies. Elke jaar word ook tien buitelandse lede gekies. Lede mag die postnominale letters "FRS" (Fellow of the Royal Society) gebruik. Ongeveer 80 lede van die Royal Society het reeds die Nobelprys gewen.[2]
Beroemde lede van die Royal Society sluit Albert Einstein, Isaac Newton en Stephen Hawking in.
Lede met Suid-Afrikaanse verbindings sluit sir John Herschel (1792-1871) en sy seuns Alexander Stewart Herschel (1836-1907) en John Herschel (1837-1921) in. Tussen 1833 en 1838 woon sir John Herschel in die Kaapkolonie waar hy die sterre van die suidelike Halfrond en die flora van die Kaapstadgebied gekatalogiseer het. Sy seuns is tydens sy verblyf in Kaapstad gebore.
Sien ook
[wysig | wysig bron]Verwysings
[wysig | wysig bron]- ↑ "History" (in Engels). Londen: The Royal Society. Geargiveer vanaf die oorspronklike op 19 Mei 2020. Besoek op 28 April 2014.
- ↑ "Fellowship" (in Engels). Londen: The Royal Society. Geargiveer vanaf die oorspronklike op 2 Augustus 2015. Besoek op 28 April 2014.
Eksterne skakels
[wysig | wysig bron]
Wikimedia Commons het meer media in die kategorie Royal Society.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
