Rigveda
| Rigveda | ||
| ||
| Die vier Vedas. | ||
| Godsdiens | Hindoeïsme | |
| Taal | Sanskrit | |
| Tydperk | c. 1500-1000 v.C. | |
| Inhoud | ||
| Hoofstukke | 10 mandalas | |
| Verse | 10 552 mantras | |
Die Rigveda of Rig Veda (Sanskrit: ऋग्वेद, van ऋच् ṛc, "lof", en वेद veda, "kennis") is ’n antieke Indiese versameling Sanskrit-gesange. Dit is een van die vier kanonieke heilige geskrifte (śruti) van Hindoeïsme wat as die Vedas bekend is.[1][2]
Die Rigveda is die oudste bekende Vediese Sanskrit-geskrif[3] en een van die oudste bestaande geskrifte in enige Indo-Europese taal.[4] Die inhoud van die Rigveda is sedert die 2de millennium v.C. mondeling oorgedra.[5][6][7] Filologiese en histories linguistiese bewyse dui daarop dat die grootste deel in die noordwestelike streek van die Indiese subkontinent saamgestel is, heel moontlik tussen omstreeks 1500 en 1000 v.C.,[8][9] hoewel omstreeks 1700 tot 1000 v.C. ook al aangedui is.[10]
Die geskrifte bestaan uit verskillende dele, die Samhita, Brahmanas, Aranyakas en Upanishads. Die Rigveda Samhita is die kernteks; dit is ’n versameling van 10 boeke (mandalas) met 1 028 gesange (suktas) in sowat 10 600 verse (ṛc). In die agt boeke wat eerste saamgestel is – Boek 2 tot 9 – bespreek die gesange hoofsaaklik kosmologie en prys gode.[11][12] Die onlangser boeke – Boek 1 en 10 – behandel deels ook filosofiese en spekulatiewe vrae,[12] deugde soos dana (welsyn) in die gemeenskap,[13] vrae oor die oorsprong van die heelal en die aard van die goddelike, en ander metafisiese kwessies.[14]
Sommge van die verse word steeds tydens Hindoevierings van deurgangsrites (soos troues) en gebede opgesê, wat dit waarskynlik die wêreld se oudste godsdiensgeskrif maak wat aaneen gebruik is.[15][16]
Verwysings
- ↑ Michael Witzel (1997), The Development of the Vedic Canon and its Schools : The Social and Political Milieu, Harvard University, in Witzel 1997, pp. 259 –264
- ↑ Antonio de Nicholas (2003), Meditations Through the Rig Veda: Four-Dimensional Man, ISBN 978-0-595-26925-9, p. 273
- ↑ Stephanie W. Jamison; Joel Brereton (2014). The Rigveda: 3-Volume Set. Oxford University Press. p. 3. ISBN 978-0-19-972078-1.
- ↑ Edwin F. Bryant (2015). The Yoga Sutras of Patañjali: A New Edition, Translation, and Commentary. Farrar, Straus and Giroux. pp. 565–566. ISBN 978-1-4299-9598-6.
- ↑ Wood, Michael (2007), The Story of India Hardcover, BBC Worldwide, ISBN 978-0-563-53915-5
- ↑ Hexam, Irving (2011), Understanding World Religions: An Interdisciplinary Approach, Wilfrid Laurier Univ. Press, ISBN 978-0-310-31448-6
- ↑ Dwyer, Rachel (2013), What Do Hindus Believe?, Granta Books, ISBN 978-1-84708-940-3
- ↑ Flood, Gavin D. (1996), An Introduction to Hinduism, Cambridge University Press
- ↑ Anthony, David W. (2007), The Horse The Wheel And Language. How Bronze-Age Riders From the Eurasian Steppes Shaped The Modern World, Princeton University Press
- ↑ Lucas F. Johnston, Whitney Bauman (2014). Science and Religion: One Planet, Many Possibilities. Routledge. p. 179.
- ↑ Werner, Karel (1994). A Popular Dictionary of Hinduism. Curzon Press. ISBN 0-7007-1049-3.
- ↑ 12,0 12,1 Stephanie Jamison en Joel Brereton (2014), The Rigveda : the earliest religious poetry of India, Oxford University Press, ISBN 978-0-19-937018-4, ble. 4, 7-9
- ↑ C Chatterjee (1995), Values in the Indian Ethos: An Overview[dooie skakel], Journal of Human Values, Vol 1, No 1, ble. 3-12
- ↑ Antonio de Nicholas (2003), Meditations Through the Rig Veda: Four-Dimensional Man, ISBN 978-0-595-26925-9, pp. 64 –69;
Jan Gonda, A History of Indian Literature: Veda and Upanishads, Volume 1, Part 1, Otto Harrassowitz Verlag, ISBN 978-3-447-01603-2, ble. 134-135; - ↑ Klaus Klostermaier (1984). Mythologies and Philosophies of Salvation in the Theistic Traditions of India. Wilfrid Laurier University Press. p. 6. ISBN 978-0-88920-158-3.
- ↑ Lester Kurtz (2015), Gods in the Global Village, SAGE Publications, ISBN 978-1-4833-7412-3, bl. 64
Skakels
Wikimedia Commons het meer media in die kategorie Rigveda.
Hierdie artikel is in sy geheel of gedeeltelik uit die Engelse Wikipedia vertaal.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
