Paddavissterrestelsel
Die Paddavissterrestelsel soos afgeneem deur die Hubble-ruimteteleskoop.
Soort stelsel	Ontwrigte sterrestelsel
Sterrebeeld	Draak
Tipe	SB(s)c pec[1]
Waarnemingsdata (Epog J2000)
Regte klimming	16h 06m 03.9s[1]
Deklinasie	+55° 25′ 32″[1]
Skynmagnitude	14,4[1]
Besonderhede
Afstand (ligjaar)	400 miljoen
Skynbare grootte	3′,6 × 0′,8[1]
Rooiverskuiwing	9401 ± 15 km/s[1]
Ander name	UGC 10214, Arp 188, PGC 57129
Portaal    Sterrekunde

Die Paddavissterrestelsel is ’n ontwrigte spiraalsterrestelsel sowat 400 miljoen ligjare van die Aarde af in die sterrebeeld Draak. Sy mees dramatiese kermerke is ’n stert van sterre sowat 280 000 ligjare lank en massiewe helderblou sterreswerms.

’n Kompakter stelsel het vermoedelik voor die Paddavissterrestelsel verbybeweeg – van links na regs soos van die Aarde af gesien – en is om die Paddavis geslinger deur hul wedersydse swaartekrag-aantrekking. Tydens dié proses is die spiraalstelsel se sterre, gas en stof deur getykragte in ’n lang stertvormige patroon uitgerek. Die ander stelsel, wat na raming 300 000 ligjare agter die Paddavis lê, kan gesien word deur die spiraalarms op die voorgrond links bo op die foto.

Nes sy naamgenoot op die Aarde sal die Paddavis waarskynlik sy stert verloor wanneer dit ouer word – die sterreswerms in die stert sal moontlik klein satelliet-sterrestelsels van die groter spiraalstelsel vorm.

• Nasa – die artikel bevat inligting van Nasa, wat in die publieke domein is.

• ESA/Hubble-verslag
• Wikimedia Commons het meer media in die kategorie Paddavissterrestelsel.
• Hierdie artikel is vertaal uit die Engelse Wikipedia