PubMed Central
PubMed Central (PMC) is 'n gratis digitale bron wat artikels met vrye toegang argiveer wat in lewenswetenskappe- en biomediese tydskrifte gepubliseer is. As een van die grootste navorsingsdatabasisse wat deur die Amerikaanse National Center for Biotechnology Information (NCBI) ontwikkel is, is PubMed Central meer as 'n bron van dokumente. Toelatings tot PMC word geïndekseer en geformatteer vir gevorderde metadata, mediese ontologie, en unieke identifiseerders wat die XML-gestruktureerde data vir elke artikel verryk.[1]
Inhoud in PMC kan gekoppel word aan ander NCBI-databasisse en via Entrez-soekstelselsels deursoek word.[2]
PubMed Central verskil van PubMed.[3] PubMed Central is 'n gratis digitale argief van volledige artikels wat aan enigiemand via 'n webblaaier beskikbaar is. Daarteenoor is PubMed 'n deursoekbare databasis van biomediese aanhalings waarvan die volledige artikels elders beskikbaar is – in druk of aanlyn, gratis of nie.
Verwysings
- ↑ Beck, Jeff (2010). "Report from the Field: PubMed Central, an XML-based Archive of Life Sciences Journal Articles". Proceedings of the International Symposium on XML for the Long Haul: Issues in the Long-term Preservation of XML. 6. doi:10.4242/BalisageVol6.Beck01. ISBN 978-1-935958-02-4.
- ↑ Maloney, Chris; Sequeira, Ed; Kelly, Christopher; Orris, Rebecca; Beck, Jeffrey (5 Desember 2013). PubMed Central. National Center for Biotechnology Information (US).
- ↑ "MEDLINE, PubMed, and PMC (PubMed Central): How are they different?". www.nlm.nih.gov. 9 September 2019.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
