Национал-большевистская партия
NBP
Vlag van die NBP
Leier	Edoeard Limonof
Gestig	1992
Ontbind	verbied in 2007; omskep in Die Ander Rusland in 2010
Hoofkwartier	Moskou
Ideologie	Nasionaal-Bolsjewisme
Webblad	nbp-info.com

Die Nasionaal-Bolsjewistiese Party of NBP (Russies: Национал-большевистская партия, НБП; Natsional-Bolsjewistkaja Partija), ook bekend as Natsbol, was ’n politieke party in Rusland wat nasionale bolsjewisme voorgestaan het.

Die NBP is ’n prominente lid van Die Ander Rusland, ’n koalisie van opposisiepartye. Daar is ook kleiner NBP-groepe in ander lande. In Rusland is die organisasie verbied en dit is nooit amptelik as ’n politieke party geregistreer nie. Sy ledetal het afgeneem sedert dit verbied is.

Die amptelike spreekbuis van die organisasie is die koerant Limonka (Лимонка). Die naam is ’n woordspeling op die naam van die leier, Edoeard Limonof, en is ’n Russiese idioom vir "handgranaat". Dit is gedwing om sy naam te verander nadat die owerheid dit verbied het vir die "aanhitsing van ekstremisme en haat".

Die NBP verkondig die skepping van ’n ryk wat deur Rusland oorheers word en wat die hele Europa en Noord- en Sentraal-Asië insluit.^[1] Dit is sterk gekant teen die VSA se buitelandse beleid en glo ’n Eurasiese ryk sal ’n noodsaaklike teenwig skep vir kapitalistiese wêreldoorheersing.

• Nasionaal-Bolsjewistiese Party
• NBP
• NBP-blog Geargiveer 29 Mei 2010 op Wayback Machine
• Limonka Geargiveer 1 Augustus 2013 op Wayback Machine
• Die Ander Rusland

• Wikimedia Commons het meer media in die kategorie NBP.

• 

  Hierdie artikel is vertaal uit die Engelse Wikipedia