Mars 1M was twee onbemande ruimtetuie in die eerste Sowjet-sendings na die planeet Mars.^[1] Die Westerse media het die tuie Marsnik gedoop na aanleiding van die name "Mars" en "Spoetnik".

Mars 1M Nr.1, in die Weste bekend as Marsnik 1, Mars 1960A en Korabl 4, is op 10 Oktober 1960 vernietig toe die lansering skeefgeloop het. Sommige Sowjet-wetenskaplikes wat by die program betrokke was, het beweer hulle weet niks daarvan af nie – net die tweede lansering was bedoel as ’n Mars-sending.

Mars 1M No.2, in die Weste bekend as Marsnik 2, Korabl 5 en Mars 1960B, is op 14 Oktober 1960 gelanseer.

Albei Mars 1M-ruimtetuie is deur ’n Molnija-vuurpyl gelanseer. Die derdefase-pompe van albei ruimtetuie het nie genoeg krag gehad nie en as gevolg daarvan is nie een van die tuie in hul eerste wentelbaan geplaas nie. Hulle het ’n hoogte van 120 km bereik voordat hulle die aarde se atmosfeer weer binnegedring het.

Die doel van die sendings was om die ruimte tussen die aarde en Mars te ondersoek, om Mars te verken en foto's van die oppervlak en radiokommunikasie van lang afstande af te verskaf.

• Die Sowjet-Mars-program Geargiveer 13 Oktober 2013 op Wayback Machine, prof. Chris Mihos, Case Western Reserve-universiteit

• 

  Hierdie artikel is vertaal vanuit die Engelse Wikipedia

l b w Sowjet-ruimtesendings
Aardsatelliete	Spoetnik Kosmos Molnija Zenit Bion GLONASS Meteor
Ruimte-sterrewagte	Orion Astron Granat Prognoz RELIKT-1
Maanverkennings	Loena (Loenochod) Zond
Venus-sendings	Wenera Wega
Mars-sendings	Mars-ruimteprogram Fobos
Ontwerp-familie	1MV 2MV 3MV 2M/M69 4MV 5VK