Die atoomradius is die afstand vanaf die atoomkern tot die orbitaal van die buitenste stabiele elektron in 'n atoom wat in ewewig verkeer. Dit word gemeet in eenhede van picometer of Ångstrom.

Die Atoomradius word dikwels die kovalente radius genoem ('n verwysing na die soort kovalente verbindings wat gevorm word) wanneer daar na nie-metale verwys word en na die metallieke radius wanneer daar na metale verwys word. Tegnies gesproke is die atoomradius een helfte van die afstand tussen die kerne van twee aangrensende atome (wat of kovalent gebind kan wees of dig in 'n kristalraamwerk gepak kan wees) van 'n element.

'n Kovalente radius is een helfte van die afstand tussen die kerne van twee van dieselfde soort atome wat aan mekaar verbind is. Kovalente radiusse vir elemente waarvan die atome nie aanmekaar kan bind nie word beraam word deur die afstande van andersoortige atome in molekules te gebruik. 'n Metallieke radius is een helfte van die naastne interkern afstand in 'n metallieke kristal. Die radius word gemeet deur gebruik te maak van X-straaldiffraksie tegnieke.

In die periodieke tabel, neem atoomradiusse toe soos mens teen 'n groep afbeweeg en 'n nuwe skil bygevoeg word en verminder ook van links na regs soos die kerlading (of aantal protone) verhoog.

• Ooreenstemmende artikel in die Engelstalige Wikipedia radius.

• Atoomgetal
• Atoommassa
• Kovalente verbinding

• Periodic Table of the Elements Atomic Radius