Kleinrietreier
'n Onvolwasse kleinrietreier
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Ciconiiformes
Familie:	Ardeidae
Genus:	Ixobrychus
Spesie:	I. minutus
Binomiale naam
Ixobrychus minutus (Linnaeus, 1766)

Die kleinrietreier of woudapie is 'n skaars standvoël en besoeker. Dit is 'n klein spesie met 'n kort nek en lang snawel.

Die mannetjie se opvallende kleurpatroon is onmiskenbaar. Die vlerke is swart met 'n groot wit kol op elke vlerk. Die wyfie word aan haar vaalgeel nek, bruiner rug, ligbruin vlerkkol en swart mussie uitgeken. Jonges verskil van die gatto s'n weens hul valer, ligte rooibruin onderkante en olyfkleurige pote (nie oranjegeel nie), en van die Groenrugreier s'n weens hul gevoude vlerke wat geelbruin is (nie donker nie). Word nie maklik opgejaag nie; gaan staan regop met die snawel boontoe en word maklik misgekyk.

Lengte is 33–38 cm met 'n 49–58 cm vlerkspan.

Die broeigebied is in riete en hulle maak nes op platforms van riete en ander plantmateriaal en lê 4 tot 8 eiers wat moeilik is om raak te sien.

Kom een-een in rietplate of watergras voor. Daglewend. Nomadies. Hulle vreet insekte, vis, amfibiese diertjies ens.

Broeigebiede is in die gematigde dele van Europa en die westelike Asië. Hulle is trekvoëls wat in Afrika oorwinter, en word selde noord van hul broeigebiede gesien.

'n Kort blaf-geluid "rao".

• Engelse naam: Little Bittern
• Wetenskaplike naam: Ixobrychus minutus
• Ander Afrikaanse name: Woudapie
• Nederlandse name: Woudaapje, Wouwaapje

• 
  'n Onvolwasse voël, gekamoufleer in sy riet-habitat.
• 
  'n Onvolwasse voël in die ope, maar steeds in die water.
• 
  Woudaapje in Nederlandsche Vogelen 1750
• 
  Museum specimen

Wikimedia Commons bevat media in verband met Ixobrychus minutus.

• Alfabetiese lys van Suid-Afrikaanse voëls
• Lys van Suid-Afrikaanse voëls (Groepeer)
• Lys van Suider-Afrikaanse voëls volgens wetenskaplike name

• Newman se Voëls van Suider-Afrika, ISBN 1868729826