Kathy Bates
| Kathy Bates | |
| |
Bates in 2015 by die San Diego-rolprentfees.
| |
| Geboortenaam | Kathleen Doyle Bates |
|---|---|
| Geboorte | 28 Junie 1948 |
| Aktiewe jare | 1971-tans |
Kathleen Doyle "Kathy" Bates (gebore op 28 Junie 1948)[1] is ’n Amerikaanse aktrise en regisseur wat al verskeie pryse vir haar werk in rolprente en op televisie gewen het.
Loopbaan
[wysig | wysig bron]
Ná klein rolle in die 1970's en 1980's in rolprente en op TV het Bates bekendheid verwerf met haar spel in Misery (1990), waarvoor sy ’n Oscar vir beste aktrise gewen het; sy is ook vir ’n Golden Globe benoem.[2]
Daarna het rolle in Fried Green Tomatoes (1991) en Dolores Claiborne (1995) gevolg voordat sy Molly Brown in Titanic (1997) gespeel het.
Sy is vir ’n Tony benoem vir haar spel in 1983 in die Broadway-verhoogstuk 'night, Mother. Sy het ’n Screen Actors Guild Award vir beste vroulike byspeler gewen vir haar spel in Primary Colors (1998), waarvoor sy ook vir ’n Oscar benoem is. Sy is in 2002 weer vir ’n Oscar vir beste vroulike byspeler benoem vir About Schmidt (2002).
Bates het 13 Emmy-benoemings vir haar werk op TV gekry – twee daarvan was vir die reeks Harry's Law.[3] Sy het in 2012 een gewen vir haar spel in Two and a Half Men[4] en in 2014 vir haar geloofde vertolking van Delphine LaLaurie in die grureeks American Horror Story.
Van die 1990's af was Bates ook die regisseur van verskeie produksies, onder meer episodes van die TV-reekse Homicide: Life on the Street, NYPD Blue, Oz, Six Feet Under en Everwood. Sy was ook regisseur van die TV-flieks Dash and Lilly en Ambulance Girl, waarin sy ook speel, en die rolprente Have Mercy (2006) met Melanie Griffith en Revolutionary Road met Leonardo DiCaprio en Kate Winslet.
Verwysings
[wysig | wysig bron]- ↑ "Film Reference.com biography". FilmReference.com. Besoek op 4 Augustus 2010.
- ↑ Bagger, The (9 Januarie 2009). "Kathy Bates: An Oscar and a Lovely Career to Go With It". The New York Times (in Engels). Geargiveer vanaf die oorspronklike op 1 Augustus 2017. Besoek op 17 Januarie 2011.
- ↑ "Kathy Bates" (in Engels). emmys.com. Geargiveer vanaf die oorspronklike op 15 Mei 2013. Besoek op 17 September 2012.
- ↑ Prudom, Laura (15 Maart 2013). "'American Horror Story: Coven': Kathy Bates To Star In Season 3, Featuring Witches And Filming In New Orleans". The Huffington Post. Besoek op 18 Maart 2013.
Eksterne skakels
[wysig | wysig bron]- Kathy Bates by AllMovie
- Kathy Bates in die Internet-rolprentdatabasis
- Kathy Bates by Rotten Tomatoes
- Amptelike webtuiste: mskathybates.com
Wikimedia Commons het meer media in die kategorie Kathy Bates.
Hierdie artikel is vertaal uit die Engelse Wikipedia
Text is available under the CC BY-SA 4.0 license; additional terms may apply.
Images, videos and audio are available under their respective licenses.
