Karel VI van Frankryk
| Karel VI die Waansinnige Charles le Fol | |
|---|---|
| Koning van Frankryk | |
| |
| Die kroning van Karel VI | |
| Dinastie | Huis van Valois |
| Bewind | 16 September 1380 - 21 Oktober 1422 |
| Kroning | 4 November 1380, Reims |
| Ander titels | Dauphin van Viennois: As erfgenaam (3 Desember 1368 – 16 September 1380); As Koning: (16 September 1380–26 September 1386); (28 Desember 1386–6 Februarie 1392) |
| Gebore | 3 Desember 1368 |
| Parys, Frankryk | |
| Gesterf | 21 Oktober 1422 |
| Parys, Frankryk | |
| Saint Denis Basiliek | |
| Voorganger | Karel V |
| Opvolger | Karel VII |
| Gade | Isabeau van Beiere (1370-1435) |
| Nakomelinge | Isabelle, Koningin van Engeland (1389-1409) Lodewyk, Dauphin (1397-1415) Jan, Dauphin (1398-1417) Michelle Catherina, Koningin van Engeland (1401-1437) Karel VII (1403-1461) |
| Vader | Karel V (1338-1380) |
| Moeder | Johanna van Bourbon (1338-1378) |
Karel VI (Frans:Charles VI de France) (3 Desember 1368 – 21 Oktober 1422), wat as die Geliefde (le Bienaimé) en die Waansinnige (le Fol of le Fou) bekendgestaan het, was die Koning van Frankryk van 1380 tot met sy dood en 'n lid van die Huis van Valois.
Karel VI is in Parys as die seun van Koning Karel V en Johanna van Bourbon gebore. Hy is in 1380 op elfjarige ouderdom tot Koning van Frankryk gekroon in die katedraal by Reims. Hy is met Isabeau van Beiere getroud in 1385. Totdat hy ten volle beheer oorgeneem het as koning in 1388 is Frankryk deur sy oom Filips die Kale regeer.
Karel VI het as Karel die Geliefde en later as Karel die Waansinnige bekendgestaan aangesien hy van sy middel twintigerjare aan sporadiese episodes van psigose gelei het. Hierdie episodes van waansin het vir die res van sy lewe voortgeduur. Gegrond op sy simptome glo medici dat die koning moontlik aan skisofrenie, porfirie of bipolêre gemoedsversteuring gelei het.
Karel VI se bewind is gekenmerk deur die voortslepende Honderdjarige Oorlog teen Engeland. Tydens sy bewind het Hendrik V van Engeland 'n inval van Frankryk gelei wat sy hoogtepunt bereik het met die Slag van Agincourt waarin die Franse leër vernietig is en wat gelei het tot Karel se ondertekening van die Verdrag van Troyes waarin hy Hendrik as sy opvolger erken het en sy seun as oneg verklaar het. Teen die tyd dat Karel VI in 1422 in Parys gesterf het, was groot dele van Frankryk onder Engelse beheer.
Normdata  |
|
|---|
Text is available under the CC BY-SA 4.0 license; additional terms may apply.
Images, videos and audio are available under their respective licenses.
