Die artikel beskryf ’n sportgebeurtenis wat in die toekoms gaan plaasvind. Die inligting is moontlik spekulatief en kan vinnig verander soos data beskikbaar raak.

Kampioenetrofee 2029

Datums	Oktober – Oktober
Bestuurder	Internasionale Krieketraad (IKR)
Krieketformaat	Internasionale eendagkrieket (EDI)
Toernooiformaat	Groep- en uitklopfase
Gashere	Indië
Deelnemers	8
Wedstryde gespeel	15
← 2025 2033 →

Die Kampioenetrofee 2029 (Engels: 2029 ICC Champions Trophy) sal in Oktober 2029 in Indië beslis word.^[1] Dit sal die tiende Kampioenetrofee in EDI-krieket wees wat deur die Internasionale Krieketraad (IKR) aangebied word en ná die 2006-toernooi die tweede in Indië.

Die toernooi se formaat van 2009, 2013, 2017 en 2025 sal onveranderd bly en die agt beste nasionale spanne op die EDI-ranglys sal aan die Kampioenetrofee 2029 kan deelneem. Die spanne sal in twee groepe van vier elk verdeel word, waarvan elke span een keer teen al die ander spanne van die groep speel. Die twee beste spanne van elke groep sal hierna vir die halfeindrondte kwalifiseer en die wenners mekaar in die eindstryd ontmoet.

Toewysing

In 2016 het die IKR aangekondig om met die Kampioenetrofee ná die 2017-toernooi weg te doen. Die IKR het die doelwit gehad om vir elkeen van die drie formate een toernooi te hê.^[2] In November 2021 het die IKR egter aangekondig dat dié toernooi vanaf 2025 weer aangebied sal word.^[3] In dieselfde maand is die Kampioenetrofee 2029 deur die Internasionale Krieketraad aan Indië toegewys.^[4]

Deelnemers

Agt spanne sal aan die Kampioenetrofee 2029 kan deelneem.^[5]

Kwalifiserende spanne

Die volgende span het al vir die Kampioenetrofee 2029 gekwalifiseer. Later sal nog sewe spanne aansluit.

• Indië (gasheer)

Formaat

Die Kampioenetrofee 2029 sal tussen agt verskillende spanne oor 15 wedstryde beslis word. Dieselfde formaat is voorheen tydens die Kampioenetrofeë in 2009, 2013, 2017 en 2025 gebruik.

Groepfase

Die Kampioenetrofee 2029 sal deur agt nasionale krieketspanne beslis word. Vir die groepfase sal die agt deelnemende spanne in twee groepe van vier elk verdeel word; elke span sal een wedstryd teen elk van die ander spanne in dieselfde groep speel, dus sal elke span drie wedstryde in die groepfase speel. Twee punte sal vir ’n oorwinning toegeken word, een vir ’n gelykop of onbesliste wedstryd en geen punte vir ’n nederlaag: spanne wat met dieselfde aantal punte eindig, sal volgens lopietempo, dan boultempo en dan die uitslag van die direkte ontmoeting gerangskik word. Die twee beste spanne van albei groepe dring na die uitklopfase deur.

Uitklopfase

Van die begin van dié fase af sal die toernooi ’n uitklopformaat aanneem wat uit drie wedstryde bestaan: twee halfeindstryde en die eindstryd. Die twee beste spanne van elke groep sal na die uitklopfase deurdring. Die groepwenner van albei groepe sal teen die naaswenner van die ander groep in die halfeindstryde speel. Elke wedstryd in die uitklopstadium moet met ’n oorwinning vir een van die spanne eindig. As daar ná albei kolfbeurte ’n gelykopuitslag is, sal die wedstryd deur ’n Superboulbeurt beslis word.

Wedstryde

Die spanne sal in twee groepe van vier elk verdeel word, waarvan elke span een keer teen al die ander spanne van die groep speel. Die beste twee spanne van elke groep sal hierna vir die halfeindrondte kwalifiseer en die wenners sal mekaar in die eindstryd ontmoet.

Groepfase

Groep A

Groep B

Uitklopfase

Halfeindrondte

Eindstryd

Sien ook

Krieketportaal

Verwysings

	Kampioenetrofee
Bangladesj 1998 • Kenia 2000 • Sri Lanka 2002 • Engeland 2004 • Indië 2006 • Suid-Afrika 2009 • Engeland / Wallis 2013 • Engeland / Wallis 2017 • Pakistan 2025 • Indië 2029