Kalandula-waterval
Die Kalandula-waterval is een van die bekendste natuurtonele van Angola.
Ligging
[wysig | wysig bron]Die waterval is in die Lucalarivier, ‘n sytak van die Cuanzarivier, in die Malanjeprovinsie in die noordweste van Angola. Hierdie afgeleë val is net buite die dorp Calandula (9°5′25″S 17°57′17″O / 9.09028°S 17.95472°O), 80 km van die stad Malanje en 360 km van Luanda. Die val is 1067 m bo seespieël en by die koördinate 9°4′26″S 16°0′2.6″O / 9.07389°S 16.000722°O. Tydens die Angolese Burgeroorlog was dit die terrein van hewige gevegte.
Waterval
[wysig | wysig bron]Die val is nie veel hoër as 100 m nie. Sy breedte wissel van 400 m tot 579 m in die reënmaande van September tot April. Dan vloei dit teen 550 m³ per sekonde en word dit as een van die grootste watervalle in Afrika, volgens die volume water, gereken. Weinig toeriste besoek hierdie hoogste waterval van Angola. Vanaf twee aangeduide uitsigpunte kan ‘n goeie blik op die val verkry word.
Ander name
[wysig | wysig bron]Die val is ook bekend as die Dianzundu. In die koloniale tyd was dit bekend as die Quedas do Duque de Bragança. Vandag noem die Portugese dit die Quedas de Calandula.
Bibliografie
[wysig | wysig bron]- wondermondo.com
- www.world-of-waterfalls.com
Text is available under the CC BY-SA 4.0 license; additional terms may apply.
Images, videos and audio are available under their respective licenses.
