Jean Cocteau
Jean Cocteau | |
|---|---|
 Jean Cocteau in 1923 | |
| Gebore | Jean Maurice Eugène Clément Cocteau 5 Julie 1889 Maisons-Laffitte, Frankryk |
| Sterf | 11 Oktober 1963 Milly-la-Foret, Frankryk |
| Nasionaliteit | Frankryk |
| Jare aktief | 1908–1963 |
| Lewensmaat | Raymond Radiguet (1919–1923) Jean Bourgoint (1925) Jean Desbordes (1926–1933) Marcel Khill (1933–1937) Jean Marais (1938–1963) Édouard Dermit (1947–1963) |
| Webwerf | jeancocteau.net |
| Handtekening | |
 | |
Jean Maurice Eugène Clément Cocteau (5 Julie 1889 – 11 Oktober 1963) was 'n Franse digter, romanskrywer, dramaturg, ontwerper, toneelskrywer, kunstenaar en rolprentvervaardiger. Cocteau is veral bekend vir sy roman Les Enfants Terribles (1929), asook die rolprente Blood of a Poet (1930), Les Parents terribles (1948), Beauty and the Beast (1946) en Orpheus (1949).
Cocteau was een van die belangrikste persone binne die surrealisme. Alhoewel hy op verskeie gebiede aktief was, vind hy dat hy in die eerste plek 'n digter, en al sy werk poësie was, ongeag of hy met 'n roman, 'n film, 'n toneelstuk of 'n skildery besig was. Sy werk het 'n groot invloed op vele kunstenaars gehad, onder meer die bekende Les Six-komponiste.
Biografie
[wysig | wysig bron]
Cocteau is in 1889 van 'n burgerlike gesin gebore. Vanaf 1908 was hy 'n gesiene gas in artistieke kringe. In 1917 kom Parade uit, 'n avant-garde-ballet van Cocteau, waarvoor Pablo Picasso onder andere die dekorstukke en die kostuums ontwerp het en Erik Satie die musiek gekomponeer het. Die programboekie van Guillaume Apollinaire gebruik vir die eerste keer die woord surrealisties om hierdie ballet mee te beskryf. Die ballet was nie 'n reuse sukses nie, maar het wel Cocteau se naam in Parys se avant-garde gevestig.
Jean Cocteau sterf op 11 Oktober 1963, die dag nadat sy vriendin Édith Piaf oorlede is. Hy was 74 jaar oud.
Cocteau se huis in Milly-la-Forêt is op aanbeveling van 'n komitee wat sy nagedagtenis lewendig wil hou gekoop. Dit is in 2010 as die Cocteau-museum in gebruik geneem.
Eksterne skakels
[wysig | wysig bron]- Maison Jean Cocteau se tuisblad Geargiveer 12 Februarie 2015 op Wayback Machine
- Jean Cocteau in die Internet-rolprentdatabasis
Wikimedia Commons het meer media in die kategorie Jean Cocteau.
Normdata  |
|
|---|
Text is available under the CC BY-SA 4.0 license; additional terms may apply.
Images, videos and audio are available under their respective licenses.
