Islay
Islay | |
---|---|
Ligging | |
![]() | |
OS-roosterverwysing: | NR370598 |
Naam | |
Skots-Gaeliese naam: | Ìle |
Noorse naam: | Yula-Oy/Il |
Betekenis van die naam: | Oudnoors vir 'Yula se eiland' |
Oppervlak en Piek | |
Oppervlak: | 61 956 ha |
Oppervlak rang (Skotse eilande): | 5 |
Hoogste punt: | Beinn Bheigier 491 m |
Bevolking | |
Bevolking (2001): | 3 457 |
Bevolking rang (bewoonde Skotse eilande): | 7 uit 97 |
Hoofnedersetting: | Port Ellen |
Groeperings | |
Eilandgroep: | Islay |
Plaaslike Owerheid | Argyll and Bute |
![]() ![]() | |
Verwysings: | [1][2][3][4] |
Islay (IFA: [aɪlə]; Skots-Gaelies: Ìle, IFA: [ˈiːʎə]) is 'n Skotse eiland en is die mees suidelike eiland van die Binne-Hebride. Dit staan ook as "Die Koningin van die Hebride" (The Queen of the Hebrides of Banrìgh nan Eilean) bekend.[5] Dit is in Argyll, net wes van Jura en omtrent 25 myl noord van die Ierse kus, wat op 'n helder dag van die eiland af sigbaar is. 'n Boorling van Islay word 'n Ìleach, uitgespreek [ˈiːʎəx], genoem en die meervoud is Ìlich: Skots-Gaelies is in 1991 nog deur 'n derde van die eilandbevolking gepraat.[6] Die eiland se hoofstad is Bowmore, bekend vir sy whiskystokery en kenmerkende ronde Kilarrow Parish Church. Port Ellen is die grootste nedersetting.
Islay is die vyfde grootste Skotse eiland[1] en die sesde grootste eiland om Brittanje.
Islay het net meer as drieduisend inwoners. Dit het 'n oppervlak van net meer as 600 vierkantkilometer. Die eiland se hoof nywerhede is moutwhiskystokery, en toerisme wat grootliks gegrond is op whisky en voëlkyk.
Die eiland is die tuiste van talle voëlspesies en is die hele jaar 'n gewilde bestemming, vernaamlik in Februarie om 'n groot kolonie witwangganse te sien. Voëls plaaslik aan die eiland sluit in alpekraai (Pyrrhocorax pyrrhocorax), vleivalk (Circus cyaneus), bonttobie, witborskormorant en talle steltlopers.
Islay se klimaat is baie keer meer gematig as dié van die Skotse vasteland as gevolg van die Golfstroom.
Verwysings
[wysig | wysig bron]- ↑ 1,0 1,1 Haswell-Smith, Hamish (2004). The Scottish Islands. Edinburgh: Canongate. ISBN 1841954543.
- ↑ Ordnance Survey. Get-a-map [map].
- ↑ 2001 UK Census.
- ↑ Anderson, Joseph (Ed.) (1893) Orkneyinga Saga. Translated by Jón A. Hjaltalin & Gilbert Goudie. Edinburgh. James Thin and Mercat Press (1990 reprint). ISBN 0-901824-25-9
- ↑ Islay, Queen of the Hebrides [video]. Scotland on TV.
- ↑ www.scotland.gov.uk: Boost for Islay Gaelic centre, 11 September 2009
Text is available under the CC BY-SA 4.0 license; additional terms may apply.
Images, videos and audio are available under their respective licenses.