Pekingmens
| |
| Algemene naam | Pekingmens |
|---|---|
| Katalogusnommer | PMU M3550, K11337: 3, ens. |
| Spesie | Homo erectus pekinensis |
| Ouderdom | 780 000 - 230 000 |
| Plek ontdek | Naby Peking, China |
| Datum ontdek | 1923-1927 |
| Ontdek deur | Johan Gunnar Andersson |
Die Pekingmens (Homo erectus pekinensis) is 'n groep fossiele van die uitgestorwe menssoort Homo erectus, oorspronklik beskryf onder die naam Sinanthropus pekinensis.[1]
Die vondste is tussen 1923 en 1927 gedoen deur die Sweedse argeoloog Johan Gunnar Andersson tydens opgrawings by Zhoukoudian in die omgewing van Peking, China. Tydens die Tweede Wêreldoorlog is die fossiele, waaronder 'n holotipe, verskeep om dit teen oorlogshandelinge te beskerm. Die fossiele is per trein van Zhoukoudian af vervoer en het daarna spoorloos verdwyn. Een teorie is dat die materiaal verlore geraak het tydens die skeepsvervoer daarvan toe die skip deur 'n torpedo aangeval is.
Die fossiele is voorheen op tussen 250 000 en 400 000 jaar oud gedateer. Nuwe ondersoeke in 2009 van die vondsligging lewer egter 'n ouderdom van sowat 750 000 jaar op.[2]
Verwysings
[wysig | wysig bron]- ↑ Black, D. (1927): On a Lower Molar Hominid Tooth From the Chou Kou Tien Deposit, Paleontologia Sinica, Serie D, Vol 7 Nr I
- ↑ BBC News, 'Peking Man' older than thought, 11 maart 2009
Text is available under the CC BY-SA 4.0 license; additional terms may apply.
Images, videos and audio are available under their respective licenses.
