Hematiet
Hematiet | |
---|---|
![]() | |
Hematiet met bariet | |
Formule | Fe2O3 |
Onsuiwerhede | Ti Al, Mn, H₂O |
Nickel-Strunz (10) | 4.CB.05 |
Kleur | staalgrys tot rooi soos roes |
Streep | roesbruin |
Glans | metallies, submetallies, dof, grondagtig |
Hardheid | 5 -6 (Mohs) |
Digtheid | 5,26 g/cm3 |
Transparansie | opaak |
Dubbelbreking | eenassig (-) |
RI-waardes | nω = 3.150 - 3.220 nε = 2.870 - 2.940 |
Ruimtegroep | R3c |
Strukturbericht-kode | D5₁ |
Eenheidsel | a = 5.038(2) Å, c = 13.772(12) Å |
![]() | |
* Lys van minerale | |
Portaal ![]() |
Hematiet is 'n mineraal met formule Fe2O3, Dit is die allotroop α-Fe2O3 van yster(III)oksied. [1]
Dit is een van die belangrikste minerale vir die paleomagnetisme-navorsing. Dit het die romboëdriese korund-struktuur.
Hematiet is die stabiele ysteroksied wat 'n groot deel van die gronde, klippe en die aarde se kors uitmaak. Dit het 'n besondere magnetiese struktuur wat die gekantelde antiferromagetisme genoem word. Die kanteling word veroorsaak deur die Dzialoshinkii-wisselwerking wat genoem is na die wetenskaplike Dzialoshinskii wat die teorie daaroor in 1957 voorgestel het.[2] Elke Fe3+-ioon is die rooster het 'n magnetiese moment (spin) van 5μB Die spins het nogtans antiferromagnetiese ordening in die a-b vlak van die struktuur, en dit verminder hulle totale magnetiese moment in hierdie vlak tot nul. Die antiparallellisme is nogtans nie perfek nie. Die spins is effens gekantel in die rigting van die c-as en die c-komponente van die magnetiese moment is ewewydig aan mekaar. Dit veroorsaak 'n swak spontane magnetisasie in die c-rigting (IS= 0.4 e.m.u/g) Die stof gedra hom soos 'n swak ferromagneet met groot anisotropie.
Onder 'n temperatuur van -10 °C verander die magnetiese struktuur. Hierdie oorgang word die Morin-oorgang genoem. Die spin raak nou antiparallel in die c-rigting georden en die kanteling verdwyn. Die gevolg is normale antiferromagnetisme met IS=0.[3]
Verwysings
[wysig | wysig bron]- ↑ "mindat" (in Engels). Geargiveer vanaf die oorspronklike op 11 Mei 2020.
- ↑ Canted Antiferromagnetism: Hematite A.H. Morrish World Scientific, 1995, ISBN 9814520136, ISBN 9789814520133
- ↑ The Physical Principles of Rock Magnetism. Frank Stacey ISBN 0444601783, ISBN 9780444601780
Text is available under the CC BY-SA 4.0 license; additional terms may apply.
Images, videos and audio are available under their respective licenses.