Drammen
Kaart | Wapen |
![]() | |
![]() | |
Vlag | |
![]() | |
Land | ![]() |
Provinsie (Fylke) | ![]() |
Koördinate | 59°44′N 10°12′O / 59.733°N 10.200°O |
Stigting | 1811 |
Oppervlakte: | |
- Totaal | 137 vk km |
Hoogte bo seevlak | 1 m |
Bevolking: | |
- Totaal (31 Desember 2022) | 103 291[1] |
- Bevolkingsdigtheid | 754/vk km |
- Taalvorm | Onsydig |
Tydsone | UTC +1 (MET) |
- Somertyd | UTC +2 (MEST) |
Klimaat | |
- Tipe | Kontinentaal-gematig |
- Gemiddelde jaarlikse temperatuur | 6,6 °C |
- Gem. temp. Januarie/Julie | –3,3 / 18,0 °C |
- Gemiddelde jaarlikse neerslae | 808,6 mm |
Burgemeester | Kjell Arne Hermansen (H) |
Amptelike webwerf | drammen.kommune.no |
Drammen (Noors: [dɾàmːən], ) is die sewende grootste stad in Noorweë ná Oslo, Bergen, Trondheim, Stavanger, Bærum en Kristiansand met 'n oppervlakte van 137 vierkante kilometer en 'n bevolking van 103 291 (soos op 31 Desember 2022). Drammen lê 41 kilometer suidwes van Oslo by die uitmonding van die Drammenselva-rivier in die Drammensfjord in die Suidoos-Noorse provinsie (fylke) Buskerud en vorm 'n stedelike munisipaliteit (kommune). Die munisipaliteit grens in die noordooste aan die kommune Lier, in die suidooste aan Selvik, in die suide aan Sande en in die weste aan Hof en Nedre Eiker. Met 'n bevolking van 104 487 is Drammen die sentrum van die sesde grootste stedelike gebied in Noorweë, geleë in die land se digbevolkte ooste, en 'n belangrike nywerheidstad, uitvoerhawe en spoorwegterminus.
![](https://upload.wikimedia.org/wikipedia/commons/thumb/1/14/Utsikt_mot_Drammen.jpg/220px-Utsikt_mot_Drammen.jpg)
Die oorspronge van Drammen strek terug tot in die Middeleeue toe twee nedersettings in die gebied gevestig is, Bragernes en Strømsø. Gedurende die 15de eeu het hierdie streek danksy sy houtuitvoere reeds handelsbetrekkinge met Europese lande gehandhaaf, met Strømsø en Tangen as belangrike uitvoerhawens. In 1811 het die nedersettings saamgesmelt tot die nuwe munisipaliteit Drammen. Die houtbedryf met saagmeule het net soos die ligging langs die rivier en die toegang tot die Atlantiese Oseaan het bygedra tot Drammen se ekonomiese groei. 'n Tyd lank was Drammen die tuishawe van Noorweë se grootste vloot seilskepe wat hout na Engeland en vastelandse uitvoermarkte vervoer het.
In die tyd van die nywerheidsomwenteling het papiermeule, ysteraanlegte, glas- en tekstielfabrieke, skeepsbouwerwe en ander nywerhede ontstaan. Intussen het hierdie fabrieke, wat met water- en lugbesoedeling verbind is, plek gemaak vir nuwe aanlegte wat onder meer elektroniese, grafiese en voedselprodukte vervaardig. Drammen is daarnaas 'n modelstad vir inligtingstegnologiegebaseerde ekonomiese groei en moderne stadsbeplanning in 'n smart city.[2]
Verwysings
[wysig | wysig bron]- ↑ (no) "De 10 største byene, tettstedene og kommunene i Norge". Statistiek Noorweë. 5 Januarie 2023. Besoek op 10 Mei 2024.
- ↑ (en) arrow.com: Drammen – The Making of a Smart City. Case study. Besoek op 13 September 2020[dooie skakel]
Eksterne skakels
[wysig | wysig bron]- Wiki-webtuistes
Wikimedia Commons het meer media in die kategorie Drammen.
- (en) Toerisme-inligting oor Drammen op Wikivoyage
- Amptelike webwerwe
- (no) Amptelike webwerf
- Ensiklopediese inligting
- (en) "Drammen". Encyclopædia Britannica. Besoek op 10 Mei 2024.
- Toerisme
- (en) Visit Norway: The Drammen Region
- (en) Go Norway: Drammen Geargiveer 20 September 2020 op Wayback Machine
- Drammen as 'n slim stad
Text is available under the CC BY-SA 4.0 license; additional terms may apply.
Images, videos and audio are available under their respective licenses.