Die Doriese inval is ’n konsep van historici om die vervanging van voorklassieke dialekte en tradisies in die suide van Antieke Griekeland deur dié van die Klassieke tydperk te verduidelik. Dit word so genoem na aanleiding van die laaste groep Griekssprekende stamme wat die Griekse skiereiland beset het.

Volgens Griekse legendes het die Doriërs die Peloponnesos oorgeneem in die "Terugkeer van die Heracleidae" (Grieks: Ἐπιστροφὴ τῶν Ἡρακλειδῶν). Klassieke geleerdes het in die legende ’n werklike gebeurtenis gesien wat hulle die "Doriese inval" genoem het. Die betekenis van die konsep het al meermale verander namate historici, filoloë en argeoloë probeer verduidelik hoe ’n hele kultuur verdwyn het.

Ondanks byna 200 jaar van ondersoeke, kon daar nog nie met sekerheid vasgestel word of daar werklik ’n Doriese inval was nie. Die konsep word veral gebruik om verskeie ander spekulasies uit te skakel. Dit is egter nie onmoontlik dat die inval wel plaasgevind het nie.

Hierdie artikel is ’n saadjie. Voel vry om Wikipedia te help deur dit uit te brei.