Dag/aandkrieket
Dag/aandkrieket (Eng: Day/Night game) is 'n krieketterm wat gebruik deur die sport se administrateurs, spelers en toeskouers om aan te dui dat die krieketwedstryd (gewoonlik 'n EDI) in die vroeë middag begin en dan deurloop tot die laataand toe, gewoonlik omstreeks 22h00, maar nooit later as 23h45 nie. Dit beteken dat ten minste die helfte van die wedstryd (of dan die eerste span se kolfbeurt) in daglig plaasvind, en die tweede helfte (na aandete genuttig is) verder onder spreiligte gespeel word.
Juis om hierdie rede word met 'n wit krieketbal gespeel, in stede van die gebruiklike rooi bal wat bedags gebruik word, soos bv. in toetskrieket.
Die wedstryde wat as dag/aandkrieket beslis word, lok meer toeskouers na die pawiljoene, aangesien hulle na werk nog by die hekke toegang kan verkry (maar gewoonlik nog teen betaling).
Text is available under the CC BY-SA 4.0 license; additional terms may apply.
Images, videos and audio are available under their respective licenses.
