Brandewyn (Engels: brandy, Nederlands: brandewijn — gedistilleerde wyn) is 'n algemene naam vir gedistilleerde wyn, wat gewoonlik 40–60% etielalkohol per volume bevat.

Dit word ook gebruik om spiritualieë wat vanuit ander vrugte gedistilleer word, aan te dui, soos byvoorbeeld pruimbrandewyn.

Die Europese Unie beskerm Konjak as die naam vir brandewyn wat eksklusief in die Cognacstreek van Frankryk gemaak word deur middel van tradisionele metodes, en net so vir Armagnac uit die Armagnacstreek van Frankryk.

Indien matig gebruik, is brandewyn 'n gesonde drankie. Dit help met die verligting van verkoue en griep, asook met sinusitis en die oopmaak van die asemhalingstelsel. Dit is 'n bekende digestief wat met spysvertering help. Voorts is dit 'n bloedverdunner en teenwerker vir cholesterol. Weens sy gesondheidseienskappe het mense reeds van ouds reeds brandewyn eau de vie (water van die lewe) gedoop.

Brandewyn is suiwer in die sin dat geen preserveermiddels bygevoeg word nie. In hierdie opsig word brandewyn van natuurlike wyn onderskei, aangesien daar in die vervaardigingsproses van natuurlike wyn swaweldioksied as preserveermiddel bygevoeg word.

• Foeselolie

• Wikiwoordeboek het 'n inskrywing vir brandewyn.

Hierdie artikel is ’n saadjie. Voel vry om Wikipedia te help deur dit uit te brei.

Hierdie artikel moet skoongemaak of andersins verbeter word. Hierdie artikel voldoen nie tans aan die hoë gehaltestandaarde waarna Wikipedia streef nie. Voel vry om self in te spring en verbeterings te maak, en verwyder hierdie kennisgewing ná die tyd. Vir meer hulp, sien die redigeringshulp. Daar is moontlik kommentaar in die artikel of op die besprekingsblad oor wat verbeter moet word. Hierdie kennisgewing is op Januarie 2014 hier geplaas.