Bodrum
Bodrum is 'n distrik en 'n hawestad in die provinsie Muğla, in die suidwestelike Egeïese streek van Turkye. Dit is aan die suidkus van Bodrum-skiereiland geleë, op 'n punt wat op die ingang na die Golf van Gökova uitkyk, en is ook die middelpunt van die gelyknamige distrik.
Die stad is in die antieke tyd Halikarnassos van Karië genoem en was bekend vir die huisvesting van die Mausoleum van Halikarnassos of praalgraf van Mausolus, een van die sewe wonders van die antieke wêreld.
Die Kasteel van Bodrum is in die 15de eeu deur die Knights Hospitaller gebou en kyk uit oor die hawe en die marina. Die kasteel bevat 'n museum vir argeologie onderwater en bied verskeie kulturele feeste gedurende die jaar aan. Die stad het 36 317 inwoners in 2012 gehad.
| Hierdie artikel is in sy geheel of gedeeltelik vanuit die Engelse Wikipedia vertaal. |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
