Blackout Rugby
![](https://upload.wikimedia.org/wikipedia/af/thumb/0/0d/Blackoutrugby.jpg/250px-Blackoutrugby.jpg)
Blackout Rugby is 'n gratis webgebaseerde rugby-bestuurspeletjie geskep deur die Nieu-Seelanders Jeremy Bell en Matthew Scoble van Blackout Entertainment Bpk. Die spel is in Desember 2006 geloods en het tans 8 982 deelnemers, waarvan 710 as Suid-Afrikaners geregistreer het (status: 5 November 2011). Die spel is sedert 3 November 2011 in Afrikaans beskikbaar, maar kan ook in Engels, Frans, Italiaans en Spaans gespeel word.
Geskiedenis
[wysig | wysig bron]Die persoon agter die idee vir die spel is Matthew Scoble, wat in 2005 as 'n geregistreerde deelnemer aan die gratis internetspeletjies Hattrick (sokker) en Battrick (krieket) begin dink het om 'n soortgelyke speletjie vir rugby te skep. Hy het sy vriend, Jeremy Bell, wat oor die nodige kundigheid beskik het, genader om die projek 'n werklikheid te maak. Die webwerf is in 2006 geskep en die spel se eerste beta-weergawe is op 7 Oktober 2007 geloods met 'n tweede beta-weergawe wat gevolg het op 27 November 2007. Die speletjie het uiteindelik begin op 14 Desember 2007 en het selfs aandag in die Nieu-Seelandse pers geniet.[1][2]
Eienskappe
[wysig | wysig bron]'n Nuwe deelnemer aan Blackout Rugby kry 'n nuwe rugbyklub in sy gekose land, met:
- ’n Groep van 30 spelers
- ’n Jeuggroep van 22 spelers
- ’n Stadion met 'n kapasiteit van 5 000
Verder kry die speler ook 'n aanvanklike bankbalans om te spandeer op die verbetering van die afrigfasaliteite, om beter personeel aan te stel, in die jeugakademie te belê of om op die oordragmark te spandeer.
Blackout Rugby het tans 34 nasies om uit te kies (klubs sluit in geregistreerde deelnemers en rekenaarspanne):
- Argentinië
- Australië
- België
- Brasilië
- Chili
- Kroasië
- Tsjeggiese Republiek
- Kanada
- Engeland
- Frankryk
- Georgië
- Duitsland
- Hong Kong
- Ierland
- Italië
- Ivoorkus
- Japan
- Kenia
- Namibië
- Nederland
- Nieu-Seeland
- Pasifiese Eilande
- Pole
- Portugal
- Roemenië
- Skotland
- Rusland
- Spanje
- Suid-Afrika
- Suid-Korea
- Uruguay
- Verenigde State van Amerika
- Wallis
- Zimbabwe
Binne elke nasie word daar in 'n piramide-ligastruktuur meegeding, met agt spanne in 'n liga wat elk 14 ligawedstryde (7 tuis en 7 weg) oor 'n seisoen, wat sestien weke strek, gespeel word. Ligawedstryde word op Saterdae (afskop 14:35) gespeel. Elke nasie het ook 'n uitklopbekerreeks, waarvan die wedstryde op Woensdagaande om 19:35 afskop. Spelers kan ook vriendskaplike wedstryde reël teen enige span in die Blackout Rugby-wêreld, wat op Maandae en Donderdae vanaf 19:35 beslis word. Wedstryde word intyds gespeel met vloeiende wedstryd-kommentaar en statistiek wat deurlopend opdateer. Blackout Rugby het 'n unieke kombinasie-afrigstelsel, met span-afrigting, individuele afrigting en wedstryd-afrigting wat deur 'n speler aangewend kan word om sy virtuele rugbyspelers te verbeter. Spelers moet ook hulle klubfinansies bestuur, met bankrotskap wat uiteindelik lei tot die uitsluiting van die klub.
BR Wêreldbeker
[wysig | wysig bron]Binne die Blackout Rugby-wêreld word daar ook internasionale wedstryde gespeel deur die nasionale- en o.20-spanne van elke nasie (die gemeenskap stem een keer 'n seisoen vir 'n afrigter vir elk van die nasionale- en o.20-spanne, wat dan 'n nasionale span kan saamstel uit die virtuele spelers van klubs).
Die eerste o.20 BR wêreldbekertoernooi is aan die einde van seisoen 4 (Feb/Mar 2009) beslis. Die eerste senior wêreldbekertoernooi is aan die einde van seisoen 5 beslis.
Nasionale Bekerwenners
[wysig | wysig bron]Die volgende klubs het elke land se Nasionale Bekerkompetisie gewen:
- Die lande België, Brasilië, Chili, Kroasië, Tsjeggiese Republiek, Georgië, Duitsland, Hong Kong, Ivoorkus, Kenia, Namibië, Nederland, Pole, Portugal, Rusland, Spanje, Uruguay en Zimbabwe is in seisoen 9 bygevoeg.
Nasionale kampioene
[wysig | wysig bron]Die volgende klubs het elke land se nasionale ligakompetisie gewen. Seisoen 3 was die eerste waar klubs met 'n mens vir 'n bestuurder die eerste liga kon haal.
Lidmaatskap
[wysig | wysig bron]Die spel is gratis indien basiese lidmaatskap aanvaar word en die gratis lidmaatskap sluit in 'n gratis toetstydperk van die premie-lidmaatskapspakket. Alhoewel 'n premie-lid geen voordeel kry wat die spel self aanbetref nie, is daar sekere andere voordele:
- Geen advertensies: Die advertensieruimte is vir premielede verwyder.
- 2D wedstrydvertoning: Intydse telbord is verbeter met 'n twee-dimensionele bo-ondervertoning van jou wedstryd om te wys waar spel plaasvind.
- Onbeperkte intydse delbord-dophoulys: Kyk baie wedstryde intyds op dieselfde tyd met 'n intydse telbord. Blaai maklik tussen al die wedstryde.
- Kykweers: Kyk weer 'n wedstryd binne 7 dae met volle kommentaar.
- Drukbare wedstrydresensies: Vertoon en druk 'n volledige weergawe van 'n wedstryd binne 7 dae met 'n volle kommentaar.
- Ekstra statistieke: Vir alle statistiekgurus is daar toegang het tot nog meer statistieke oor wedstryde en spelers.
- Oefenverslae: Jou afrigters sal jou van gedetailleerde afrigverslae oor al jou spelers voorsien elke week.
- Truinommers: Ken 'n truinommer aan jou spelers toe om hulle voorkeurposisie te merk. (sluit jeugspelers in)
- Spansortering: Sorteer jou spelers volgens truinommer of vaardigheid. (ook jeugspelers)
- Byname: Gee sterspelers wat hulself onderskei 'n gepaste bynaam. (ook jeugspelers)
- Spelers-sêgoed: Laat jou spelers vir hulself te praat met 'n sêding op hulle profielbladsy.
- Persvrystellings: Voeg 'n bietjie flair en realisme by deur die maak van openbare aankondigings op jou klubportaal.
- Kortpaaie: Skep kortpaaie om vinnig toegang tot spelers, wedstryde, ligas en ander klubs en bestuurders te kry.
- Klubkenteken: Ontwerp en laai jou klub se kenteken wat trots pryk in jou klubportaal.
- Gestoorde en vorige spankeuses: Kry maklik toegang tot die vorige spankeuses, of stoor en etiketteer jou spankeuses vir latere gebruik om die bestuur van spankeuses beter te bestuur.
- Grootgemaakte spelers: Kry toegang tot inligting oor enige spelers wat ontstaan het uit jou klub wat oorgedra is, wanneer hulle oorgedra is en waarheen hulle oorgedra is.
- Wedstrydvoorskoue: Sien vorige ontmoetings, liga-opsommings, ranglysposisies, vorm, stergraderings, voorspelersgewig en die spelers om dop te hou.
- Ranglysgeskiedenis: Kyk na die geskiedenis van jou span se ranglys met verloop van tyd, tesame met lyngrafieke.
- Outobie: Plaas outo-aanbiedinge vir die spelers op die oordragmark!
- Halftydstatistieke: Na 'n wedstryd klaar is, kan premiumlede sien hoe die wedstrydstatistieke teen halftyd gelyk het.
- Verbeteringe: Sien maklik watter vaardighede het verbeter wanneer jy na jou span kyk. 'n Rooi, vet ster verskyn langs die onlangs verbeterde vaardighede.
- Onthullings: Sien maklik watter vaardighede geopenbaar is wanneer jy na jou jeugspan kyk.
- Jeugspeler-werwingsterre: Die getal sterre wat gebruik is om 'n jeugspeler te werf, word op die jeugspeler se profiel vertoon.
- Tevredenheidstydlyn: Sien 'n interaktiewe lyngrafiek wat wys hoe jou klub se ledetevredenheid mettertyd verander het. Hierdie grafiek verskaf ook 'n meer akkurate meting van tevredenheid, akkuraat tot 1%, eerder as 10%, soos verskaf deur die woord-aanwyser.
- Oordragmark dophoulys: Dit is 'n funksieryke dophoulys, waarmee jy maklik spelers waarin jy belangstel kan dophou, saam met die huidige prys en hoogste bieër.
- Onbeperkte oordragmarksoekfunksie: Skep soekkriteria vir meer as net 4 spelerseienskappe.
- Energie persentasiestaaf (0-110%): Kry 'n meer akkurate blik op die energie van jou spelers met hierdie persentasiestaaf.
- Prioriteit-afrigtingsverslae: Spring na die voorpunt van die tou op oefendag en jeugoefendag en jou verslae sal afgehandel word voor ander spelers s'n.
- Afrigkennisgewings: Opsionele weeklikse e-poskennisgewings wanneer jou span se oefening voltooi is.
- Versteksortering van ander klubs se spelers: Stel verstek-sorteeropsies op vir ander spanne in jou voorkeure. (ook jeugspelers)
- Afrigkennisgewings: Opsionele weeklikse e-poskennisgewings wanneer jou span se oefening voltooi is. Die volledige verslag van die afrigting is nou ingesluit in hierdie kennisgewing vir die senior span.
- Beveiligde webblaaing: Premielede kan beveiligde webblaaing aanskakel in hulle voorkeure. Dit sal veroorsaak dat die webwerf te alle tye https gebruik, met volle kodering tussen jou en die bediener, wat beteken dat jy openbare WiFi met volle vertroue kan gebruik. Hierdie funksie is veronderstel om vir almal beskikbaar te wees, maar die advertensiestelsel wat ons gebruik (Google Adsense) ondersteun nie tans beveiligde webblaaing nie. Aangesien premielede nie advertensies sien nie, kan hulle beveiligde webblaaing geniet.
- Vormgeskiedenis 'n visuele lyngrafiek wat die speler se vorm oor tyd meet kan gesien word deur te klik op die vormaanwyser vir 'n speler.
Verwysings
[wysig | wysig bron]- ↑ "Game lets couch critics run rugby". The New Zealand Herald. 22 Desember 2007. Besoek op 17 Januarie 2008.[dooie skakel]
- ↑ "High hopes for Waikato's virtual rugby" (in Engels). Waikato Times (Fairfax Nieu-Seeland). 20 Desember 2007. Geargiveer vanaf die oorspronklike op 23 Februarie 2008. Besoek op 17 Januarie 2008.
Eksterne skakels
[wysig | wysig bron]Text is available under the CC BY-SA 4.0 license; additional terms may apply.
Images, videos and audio are available under their respective licenses.